بسم الله الرحمن الرحيم
اللهم صل على محمد وآل محمد وعجل فرجهم
نــــــــــارالجســــــــــر ( نصاري )
يمكن قراءة هذه القصيده بنفس طور قصيدة ( ما تنهض يكرار = إجه نعش الوفه ) التي قرأها الحاج باسم الكربلائي
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ
أبد ما تنطفي النار === تظل نار الجسر
عليــه أرواح زوّار === تزورك تنتظــر
تواسي فاطمــــــه === يبن حامي احمه
أبد ما تنطفي النار === تظل نار الجسر
ــــــــــــــــــــــــــــــــــــــــــــــــــ ـــــــــــــــــــــــــ
على جسر الأئمه اليـــــــوم ارواح == عن درب المجد هيهات تنزاح
تريد إتزور صرحك والضـوه لاح == تريد إتعيد يوم الجود فوّاح
ولاتنســـــــاك ياسابـــــــــع أمل راح == أبد ما غاب نورك صار مفتاح
تظل تهواك وإتــزور === أرواح البشــــر
تشوف الخير والنور === يصب مثل النهر
يراعي الغانمـــــــــه === يبن حامي الحمه
أبد ما تنطفي النـــار === تظل نار الجســر
ــــــ
خيالي إيروح من حطـّوك مسمـــوم == على جسر الفداء الصار مهموم
نعش والنور من فوگه غده إيحوم == إمـــام الرافضه إيصيحون ياگوم
ضياءك ما طـُفه إشعاع موسوم == تظل هالة مجد ما تنطفي دوم
يجيك أحباب يمشون === يريـــــدون النظر
إلك أرواح يفــــدون === ولا إيـْهـِمهم خطر
إلك بيهم ظــِمـــــــَه === يبن حامي الحمـه
أبد ما تنطفي النـــار === تظل نار الجســر
ـــــــ
عشگ روحي يظل للــــدوم مولاي == إلك يانور گلبي إو شوف عيناي
أجيك إبكـُل وكت مهموم شچـّاي == أنال الحاجه منــّك تملي يمناي
تزول إغيوم يمــّك يشفه كل داي == تفيض أنهار جودك خير للجاي
يباب الجود والجـاه === فضت مثل البحر
سگيت الجاي والتاه === نلـت إنتَ الظفر
نلت حتـّى السمــــه === يبن حامي الحمه
أبد ما تنطفي النــار === تظل نار الجسر
ــــــ
يباب الله يبو الأحزان مسجــــــون == گضيت إسنين عمرك ما شفت عون
حقد عدهم يزيلونك يريدون == بـــــدر إنتَ ولا تنزال يدرون
مـُحبــّينك على نهجك يظلــّون == يزورونك ولا لحظات ينســـــــون
نعزّي فاطمه بيك === نعزّي المنتظـــر
نحل يمّك نناجيك === يبن طه الأغــــر
إلك نفدي الدِمـَـه === يبن حامي الحمه
أبد ما تنطفي النار === تظل نار الجسر
ـــــ
يبن جعفر أبد ما تنطفي النار == نفــس ذولاك من سمّوك أشرار
إجوا هاليوم بالأحقاد والعـــــار == يــِكـَفـْرون اليحبكم ياحمه الدار
يـِفـَجرونه إو نظل نهواك بأصرار == أبــــــد مـَنـْبيع بيعة حامي الجار
ننادي طالب الثار === إنهض ياظـَفـَـــر
علينه ياولـــي دار === منهم كل خطــــر
والدين إنـــْرِمــــَه === يبن حامي الحمه
أبد ما تنطفي النار === تظل نار الجســر
ـــــ
يريدون الگبر ينزال وإيــــروح == نظر زينب إلك عباس مشبوح
تعال إوياك كـُلنا نفدي الـــــروح == نخلـــّي الموت يمشي بيهم إيلوح
نخلــّي الناصبي المذموم بالنوح == نـــدري المنتظر مهموم مجروح
يشوف الصار بالشام === يتطاير شــَــــــرَر
أبد والينه مــَيــْنــــام === يشوف الشر ظهر
يراعي الموزمــــــــه === يبن حامي الحمـه
أبد ما تنطفي النـــــار === تظل نار الجســر
ــــــــــــــــــــــــــــــــــــــــــــــــــ ــــــــــــــــــــــــــــــــــ
مع تحيات شاعر اهل البيت / جابر النجفي
إسمعوا القصيده على هذا الرابط
http://www.wlidk.net/dld86s55309.mp3.html
نـــــــار الجســـــــر
العرض العادي
