[خالد محمد مهدي]

((3) ((لسان حال العقيله مع الحسين عليهما السلام))
((شلون ماأحسبها))
**---------------**



شلون ما أحسبها بفراكه أتيه **بعد ما أكدر أشوفه ولاأجيـه

بالدمع يوميــــه أسلِّم

وأني بجروحي ألملِم

**----------------**

جانت عيونه صباحي ألبِي أشوف

صرت يوميه بخيالــي يَمَّه أطوف

عفته جثَّـه مسلَّبه بأرض الطفوف

جرح يشكـي الجرح آلآم السيوف

وصار حال الظيم حالي** بدور فوك الثره كبالــي

عالصبر كلبــي أعلِّم**وأني بجروحي ألملِم

**----------------**

سال بالحومـه الدمه فيض النهر

أنهدم حيلـــي ونحنه منّي الظهر

كربلـــــــه راوتني لوعات الأمَر

وذاب جبدي ويَّه دمعي من القهر

حسين من شـــابك الغبره **داست الخيل أعله صدره

كامت بصدره تهشِّم**وأني بجروحي ألملِم

**----------------**


ياشمس هم ألج رغبــه بالطلوع

طولي ياأيام ليلـــــــــي بالدموع

الغاب عنِّـــــي ماأله نيَّة رجوع

ينوح كلبي وتبجي ويَّاه الدموع

تذوب روحي من ألمها **خيمكه حركـــوا خيمها

عله أطفالي كمت أخيِّم**وأني بجروحــي ألملِم

********************

بالدهرلوعشت يـــــــوم من الفرح

عله راســـي أيدور بالهم لو صبح

ناســي بأيامه الكلبــي أشكد جرح

أخذ جف عازتـــي والروحي ذِبح

بعد ظيم الغاضريه **منَّه أخذونــي سبيَّه

دنيـــــه بهمومه تغيِّم**وأني بجروحي ألملِم

**----------------**

عالجروح أمشينه مو فــوك الهزل

وصلنه لأرض الذلَّـــه والآمر نذل

هذا من أمِّتـــــــك ياجدّي الوصــل

من حقدهـــم ماخلص نحــر الطفل

ظامـــي روّاه السهم **رضيع من أمَّه أنفطم

والأمر لله نســــــــلَّم**وأني بجروحي ألملِم

**---------------**

((التوقيع))
السجود لنور الله
*---------**
ملائكـــــــــــة السمه من سجدت الآدم
سجدت للأنوار السببت ذاتــــه
وهنانــــــه الحقيقـــه ثابتـــه المعنــــــه
هذا الطين بيها أنعرف معناتـه
خمس كلمات مرسومه عله عرش النور
يعني الكون يزهي بنور كلماته
فـــوق القـــدره والادراك محياهــــــــم
أأمــــه للعوالـــم قاده ساداتــــه
محمــد علــي فاطــــــم الحسن وحسين
تبيان الكتاب ومعنه آياتـــــــــه
***********

[عبدالله خلف العتابي]

السلام عليكم
الاخ الغالي والشاعر القدير
خالد محمد مهدي
طيب الله انفاسك وجزاك الله
خير الجزاء وحفظك من كل سوء
تلميذك المبتدا
عبدالله العتابي

[خالد محمد مهدي]

بسم الله الرحمن الرحيم
شرّفني مروركم وأسعدني ياأخي الغالي
اثباكم الله برحته على هذا البوح الكريم
وأسعد الله قلبكم بسرور محمد وآل محمد
اللهم آمين
تشرفت بقبولكم انتمائي لهذا الصرح المبارك صرخة الحق التي لاتعلوا عليها صيحه
التمسكم الدعاء
التمسكم النصح
شكرا // ممنون