[جعفر المندلاوي]

ندم إبليس

==================

بامر الله لأجل آدم بتكوينه ========= يسـجد كل مَلَك والجان للطينة

خضع كل الخلق وتنفذ المرسوم ======= بس ابليس عاند واشرك بدينه

لان ما عرف سر آدم وسر النور ==== واعمى القلب كِلمن مِثله من حِينه

ولَوَن يدري الحُسين بغرة الصلصال === ولاجله الكون يجري بأمر بارينه

جان اتعذر وظل ساجد الـ هاليوم ====== وما شال الجبين ورفع إيدينه

اشلون ينظر إحسين وما يهيل تراب ==ا== فوك الراس وتلطم حيل كفينه

وجا قدم التوبة ويطلب الغفران ====== ربي بجاه ابن الزهرة او ونينه

دخيلك ما اريد اخذل حبيب الله ====== بيوم يصيح (هل من ناصر) يعينه

شقدم شعتذر والواعية اسمعها ===== وآني على الكفر ما انصر حسينه

ذليل الما نصر دين الله يوم الطف ===== ويخسر بالحشر لو عابد سنينه

آنه لو أدري نور إحسين قبل الطين === أجيته أزحوف يمه وبِسِت رجلينه

آنه لو ادري نور احسين هذا البيه ===== اصيرن خادم وبس ذمة يبرينه

واقدم اعتذاري وانتظر شيكول ====== واطلب بس طلب بالخدمة خلِينه

ولون ادري الحسين بوجه آدم لاح ===== انادي للهدى ،، يحسين دلينه

آنه لو اعبد الله الف بعد الاف ====== ما ينفع ،، وحب احسين ما بينه

لاجل حسين حتى السما تدمع عين ==== وتبجي الكاع باجوائه وميادينه

والافلاك تصرخ ،، وبصرير الريح ===== نسمع هالعويل بصوت يذوينه

وهدير من البحر ينسمع عالي الصوت == ينادي حسين ، يا لبيك ،، لبينه

وبجت كل الجبال والشجر والهور === وحتى الوحش بالبرّ صام يٌومِيَنه

إذن هذا الحسين وشآنه أعظم شآن ===== عزيز واكرم الطلبات ينطينه

إذن اكبر خطيئة على الارض سويت ====== وبعين الحسد للنار ردينه

أه وألف وسفة وما صرت لحسين ==== درع يوم الطفوف وارد نبلينه

آه والف وسفة وما حضرت الطف ==== جا جبت الفرات ومايه لسكينه

آه والف وسفة ما شفت عباس ====== جان انطيت روحي بدل جفينه

آه او الف وسفة اشلون اكبر طاح ==== وما امسح تراب الفوك خدينه

آه والف وسفة الطفل من ينصاب ==== بسهمك حرملة ملعون نادينه

كل الكون من قسوتك صاح الآه === شنو ذنب الرضيع انقطع ودجينه

آه والف وسفة على التلال إتصيح ==== زينب : يبو فاضل كوم ذلينه

آه والف وسفة حسين لمن صاح === ما شلت الرمح وسيوف سليّنه

آه والف وسفة ولا بعد عاشور ===== نخدم بالمواكب ولا الك جينه

جان الشرف عندي واخدم الزوار === واكحل العين بسخام الجدر وينه

لكن للاسف بالخاطئة اتعديت ======= والدنيا بهواها بغنج تغرينه

الا فالعن امية وكل بني سفيان ===== وكلمن للخبيثة انتمى ويبلينه

آنه كلش بري من كل عدو للآل ===== وبنار السعير بحشر يرمينه

يكفي ظلم يكفي قهر يكفي دموع ==== بعد ماظل صبر إظهر يمهدينه

---------------------------------------

بقــلم : جعفــر ملا عبـد المـندلاوي

4صفر 1434هـ/ 18-12-2012

---------------------------------------

[عبدالله خلف العتابي]

السلام عليكم
المبدع والشاعر القدير
جعفر المندلاوي
طيب الله انفاسك
وجزاك خير الجزاء
تلميذك المبتدا
عبدالله العتابي

[جعفر المندلاوي]

اقتباس : المشاركة الأصلية كتبت بواسطة عبدالله خلف العتابي [ مشاهدة المشاركة ]

السلام عليكم المبدع والشاعر القدير جعفر المندلاوي طيب الله انفاسك وجزاك خير الجزاء تلميذك المبتدا عبدالله العتابي

الاستاذ المكرم وأخي المفضال عبدالله العتابي
جزاك الله خيرا لحضورك العذب الذي يتقاطر كحبات الندى على جبين الصباح
ويترك لألأؤه في أرجاء المكان
لك كل احترامي مشفوع بسيل المودات

[خالد محمد مهدي]

بسم الله الرحمن الرحيم
أحسنت ياأخي الكريم على هذا انفس الرائع
طيَّب الله أنفاسك
وزادها لميزان حسناتك
((التوقيع))
السجود لنور الله
*---------**
ملائكـــــــــــة السمه من سجدت الآدم
سجدت للأنوار السببت ذاتــــه
وهنانــــــه الحقيقـــه ثابتـــه المعنــــــه
هذا الطين بيها أنعرف معناتـه
خمس كلمات مرسومه عله عرش النور
يعني الكون يزهي بنور كلماته
فـــوق القـــدره والادراك محياهــــــــم
أأمــــه للعوالـــم قاده ساداتــــه
محمــد علــي فاطــــــم الحسن وحسين
تبيان الكتاب ومعنه آياتـــــــــه
***********

[جعفر المندلاوي]

اقتباس : المشاركة الأصلية كتبت بواسطة خالد محمد مهدي [ مشاهدة المشاركة ]

بسم الله الرحمن الرحيم أحسنت ياأخي الكريم على هذا انفس الرائع طيَّب الله أنفاسك وزادها لميزان حسناتك ((التوقيع)) السجود لنور الله *---------** ملائكـــــــــــة السمه من سجدت الآدم سجدت للأنوار السببت ذاتــــه وهنانــــــه الحقيقـــه ثابتـــه المعنــــــه هذا الطين بيها أنعرف معناتـه خمس كلمات مرسومه عله عرش النور يعني الكون يزهي بنور كلماته فـــوق القـــدره والادراك محياهــــــــم أأمــــه للعوالـــم قاده ساداتــــه محمــد علــي فاطــــــم الحسن وحسين تبيان الكتاب ومعنه آياتـــــــــه ***********

حياك الله أخي العزيز خالد
سعدت بمرورك العاطر
وبكلماتك المباركات
تحية لك وسلام