[الشاعر الغريب]

بسم الله الرحمن الرحيم

اللهم صل على محمد وال محمد الطيبين الطاهرين

لقد عاد الشعار القديم الذي كتبوه فوق دروعهم حيث كتبوا لا شيعه بعد اليوم

بزمن هدام ضكنه الموت غصات ***** وماصدك ابد شيــــعتنه ينســــون

نشد جنه الصبر فوك البطن شد ***** وبعضنه بالصـــبر جانـــو يلهمون

نطحن بالحزن وانطم الالام ***** والدمعات مشـــرب لليــــــــــــــعطشون

عافانه اشكثر نتحمل الضيم ***** ونحبسهه بشــــرف دمعات العــــــيون

خيرات الوطن بيد المجرمين ***** ومن خيره الطغــــاة اتربي الابـطون

ماننسه الشعار بيوم رفعوه ***** وعلينه بالـمدافع ســــــم يقصفون

كتبو عالدرع ماتبقه شيعه ***** وروافض بالوطن ممنـــــــــــــوع يبقون

ذلينه الدرع من صحنه يحسين ***** وزلمنه اعله المنايه بحب يصولون

كتبو عالمنايه اشرف عبارات ***** هيهات المذله بدم يخـــــــــــــــــــطون

ومن طاح الصنم كلنه اجه الخير ***** وسراب الخيــــر اصبح للينظرون

العرب علنو جهاد ولمو انذال ***** وضدنه اهل الرذيله بمـــــوت يفتون

نسو وكفة شعبنه وذيجه الارواح ***** من جانو بسدنه الكــــــل يلوذون

رغم ذاكه الحصار انمد الابساط ***** وعدنه اشكد عـــرب جانو يجدون

النواصب خلطو الاوراق عالناس ***** وبسعر اليبس الاخضر يحركون

جم ناصب نجس سرفن الذرعان ***** ولمو جم نذل ضدنه يحــــشدون

ونفس ذاكه الشعار اليوم ينعاد **** لان بيرغ علي رفــــــــرف عالمتون

ماألهم وصف بارجس الجلمات ***** اشلون اسلام ذوله ويتــــــــسمون

يعوف الاجنبي ويفجر اطفال **** حتى اصغار رضع هم يذبـــــــــــــحون

كل ظنهم نخاف ولو نطخ راس ***** ولو ثرنه عليـــــهم نخسف الكون

أنتم هم بشر لا أنتم ارجاس **** العرضكم ياوكت كولو تصــــــــــــونون

من ماضي الزمن ماخذتو عبره ***** وينه ايزيدكم جا ويــــــن هارون

هم شفتم بشر تحمل بالاجبال ***** بس شيعة علي هُمـــــــــه اليحملون

تعبنه المشانق ماتعبنه ***** وذلينه السجن واللي يشنــــــــــــــــــــــقون

لان دمنه حسني وصنفه كرار ***** وهيجي اصنــــاف ماظنهم يخافون

دمنه يرتل الايات كل يوم ***** بتراتيله الملك بالـــــــــــــــــحب يرتلون

وكل ارواحنه نفديهه لحسين ***** وماماتــــــــــــو ابد عدنه اليموتون

بل احياء ويانه يعيشون ***** الباري وي كــــــــــــــتابه الهُم يشهدون

وشوفو اللي تبعتوهم مشو وين ***** واحنه اللي تبعنــــــاهم ينورون

هذاكه المرتضه كله يشع نور ***** وكعبه حسين عدنه وبيه يطوفون

[محطة فرح]

اللهم صل على محمد وال محمد
بارك الله بك
وجزاك بكل حرف الف حسنه
جزيتَ خيرا بمحمد وآل محمد

[الشاعر الغريب]

الاخ الموالي محطة فرح

مشكور على المرور

الكـــــــــــــــــــريم والكلام العطر