اليوم الرضا مسموم يالجعفريه .... نادوا بعلي الصوت يبن الزجيه
********
جبد الرضـا ياناس بالســم تكطـع
بسم وضعه المؤمون ون وتصدع
والعنــب والرمــان بالســـم تنكـع
بديرة غرب مسموم يهل الحميه
**********
وين اليصل بغداد ويخبر الكاظم
يكله الرضا مسموم يبن الهواشـم
بديرة غرب بعدوه ذوله الظـوالم
نار البعد والسم بروحه سريه
***********
حب الرضــا ياناس من الله مفروض
وولاية أهل البيت هي الجنه والروض
هو ثامن الأسباط يوكف على الحوض
وللجنه إبن حسين ياخذ بديه
*********
يلـي تريد اليـوم تحضــر دفنتــه
للقاســم إتعناه وطــب إبحضـرتـه
والرضا هو الكال من زاره زرته
وإتزوره لو طبيت وإتزور أخيه
**************
القاسم نكله اليوم عضيدك تسمم
ينـازع بتالـي الروح جبـده تخـذم
لا أبو اليمه إهناك لا إخوه لا عم
خله الكلب والعين بدربك ربيه
******
يهل الحميـه اليوم دم تجري العيـن
اليوم الرضا مسموم والجبده نصين
نعزي القاســـم بيه ونعزي حســين
بموكب عزه مشهود ندخل سويه
******
أنصـب عزه بالروح والكـلـب ناعــي
للحضره روحي إتروح والجدم ساعي
وعينــي تهل إدمــوع لجـلك يـداعـــي
أبجي وون مهضوم ونه شجيه
***********
يهل الشيم مسموم والغربه صعبه
وحده غريب إبطوس ونمرد كلبه
يـون ويهل إدمـوع ويناجـي ربـه
إغفر يرب الكون للجعفريه
ــــــــــــــــــــــــــــــــــــــــــــــــــ ـــــــــــــــ
قاسم طاهر القاسمي
اليوم الرضا مسموم يالجعفريه
العرض العادي
