[جابر النجفي]

بسم الله الرحمن الرحيم
اللهم صل على محمد وآل محمد وعجل فرجهم

لبّيــــــــكَ ياأحمـــــــــدْ
ــــــــــــــــــــــــــــــــــــــــــ
لبّيــكَ ياأحمـــدْ === إنَّ العُلا يشهــــدْ
بخلقِكَ المحمودْ === وأنتَ روحُ الجودْ
لبّيكَ ياأحمدْ
ــــــــــــــــــــــــــــــــــــــــــــــــــ ــــــ
فضلك يبو الزهره كُبَر يبن الذبيحين == مثلــك نلاﮔــي بالبشر ياسيدي وين
نورك سَرَه يملي الثرَه يهدي الملايين == يكشــف ضلاله رابضه ياضَيْها للعين
ويكشفُ الظلمـــــاءْ === في مرتعِ الأهواءْ
أنتَ الندى الموعودْ === وأنتَ روحُ الجودْ
لبّيكَ ياأحمدْ
ـــــــ
إنتَ طلبتـــه للأجــــر حــــب المياميــــن == حب حيدره وأم الحسن والعتره وإحسين
بعدك نسوهم سيدي ذولـه الملاعيـــــــن == بالسيف والسم حاربوهم وإنتهى الدين
ودارت الأقــدارْ === ياسيدي المُختــار
وخالفوا المعبودْ === وأنتَ روحُ الجودْ
لبّيكَ ياأحمدْ
ـــــــــــ
بعدك على إفراش المرض نصبوا سقيفه == والمرتضــه حزنك على حزنه يضيفه
وإتآمروا نكروا علي إختـــــاروا خليفــه == زرعوا فتن يالمصطفه إو صارت مُخيفه
وَمِنْ ردى الأشرارْ === بكى الهُدى وأحتارْ
والمُرتضى موجودْ === وأنتَ روحُ الجـودْ
لبّيكَ ياأحمدْ
ــــــــــ
يمّك دمعها فاطمـــه يجــــري الشفيعـــه == والنار ﺗﭽــوي إو ساجره إبروح الوديعه
ﻓﮔدك يبو القاسم صعب وأعظم فجيعه == بعدك بواﭽيها تظل تملي الوسيعه
وَبَعــــــدَكَ الأرزاءْ === تجري على الزهراءْ
مِنْ عُصبةِ النمرودْ === وأنتَ روحُ الجــــودْ
لبّيكَ ياأحمدْ
ـــــ
يمّك حسن وإحسين بدموع المصيبه == والمُرتضه الكرار بالحيره الرهيبه
وإشلون حالة كُل مُحب ﯾﻓﮔد حبيبــــــــه == إسمع يبو القاسم علي إو هذا نحيبه
فدمعُهُ أنهــارْ === ياسيّدَ الأبــــــرارْ
يُذيبُهُ الجلمودْ === وأنتَ روحُ الجودْ
لبّيكَ ياأحمدْ
ـــــــــ
من يوم ﻓﮔدك يانبي إو حلت علينـــــه == كُل المصايب سيدي يابو السكينه
عادونه ذوله الناصبه أهل الضغينــــه == لجل المحبّه العترتك إحنه إبتلينه
لَوْ فَجّروا الأحشاءْ === نبقـــى نُنادي لاءْ
للجورِ يامحمــــودْ === وأنتَ روحُ الجودْ
لبّيكَ ياأحمدْ
ـــــــــــــــــــــــــــــــــــــــــــ
مع تحيات شاعر اهل البيت / جابر النجفي
إسمعوا القصيده على هذا الرابط
http://www.wlidk.net/dlde2e92328.mp3.html

[عدنان منعم]

اللهم صل علا محمد وال محمد واحفظ خدمة محمد وال محمد الله يرعاك استاذنه

[عبدالله خلف العتابي]

الله الله
مشاء الله تبارك الرحمن
حروف مضيئه تناغمت وانتجت
قصيده غايه في الروعه
تقبل مروري
صغيرك
عبدالله خلف العتابي