"جفيان شر ملا عليوي" مثل يستخدم كثيراً ومن المعلوم ان لكل مثل قصة حقيقية وقصة هذا المثل هي :
في احدى القرى العراقية جان أكو جامع وكل الناس تصلي بيه ماعدا واحد جان مايصلي بالجامع فإمام الجامع ( اسمه عليوي ) جان يضوج منه لان مايصلي بالجامع
وكلما يضرب مثل على شخص سيء يكول لاتصيرون مثل فلان الي مايصلي بالجامع .
فمرة راد ذاك الشخص يخطب فكالوله لازم الامام يكتب عقد زواجك وهو يضوج منك لان ماتصلي بالجامع فروح صلي حتى يكتب عقد زواجك .
فذاك الشخص ماظل عنده غير حل فراح للجامع يصلي صلاة الفجر فوكف داخل الجامع وكال :
" نويت ان اصلي صلاة الفجر جفيان شر ملا عليوي"
فمن ذاك الوكت صار المثل شائع وهو "جفيان شر ملا عليوي".
العرض المتطور
