[درر علي]

أُمي شــﮕـــد حنينه بكبر الاحزان
تلـــــــــــم همومنه بلفــت عبايتها ..
وأمي شـﮕـد عفيفه وتستحي حيل
تظم عـــوز الوكـت بطراف شيلتها ..
أمي بنص حـﭽـيها جبـــــال الهموم
... ولا يـوم شتكـت بس تجري دمعتها ..
وبحــجت تلـــــولي تفـــرغ الهموم
وتشكـــي بالنعاوي همــوم عازتها ..
واذا مـــــرانه ظيــم وسمعته شلون
تنشغ والدمع يترس مخـــــــــدتهـا ..
ولامره شتكت لوﮔـــــــــــالت احـاه
تظــــــم همـومها وتشهـد وسادتها

[البدري14]

درر علي
----
الله الله
ما اجمل الشعر عن الام
موفقين

[ابوتكتم الخير]

الله ... الله
أحسنت في غاية الروعة
موفق

[درر علي]

شكرا لكم
والله ان الام هبة الرب
وهذا قليل بحقها

[طيار عراقي]

امي تقوه شما يمرنا العوز
ومايوم صاحت كافي مليت
امي من نعطش ويشح علينا الماي
تنزف دمع وتكول يمه اشرب
امي شرد اوصفها واقيسها بيا مقياس
وماكو وحدات اتقيس عزتها
راح اختم وكولن هاي امي عراقيه وتضل رمز الشرف شيلتها

،،،،

كلمات سرت في ذهني بعد ان قرأة ما طرحتيه

واحببت ان اشارككِ فيها

ارجوا ان تتقبليها رغم بساطتها

تحياتي لكِ

[درر علي]

وانا اقول :
امي من تمد اجفوفها بعالي السماء بين الارض والسما يصيرن كنطرة
لو تعنت هالوالدة للرب الجليل جبل حمرين على طولة تفطرة


هذه هي الوالدة وشكرا لردك الجميل