[جابر النجفي]

بسم الله الرحمن الرحيم
اللهم صل على محمد وآل محمد وعجل فرجهم

هـــــــــــــاي أم البنيـــــــــــــــــن
ــــــــــــــــــــــــــــــــــــــــــــــــــ ـــــــــــــــــــــــــــ

هاي أم البنين المابُطل وَنْهــــا === بقيع الخير حتماً يخبرَك عَنْها
ـــــ
بقيع الخير ﮔام إينوح ويّاهـــا == يسمعها إو يبث للكون شكواها
مصيبتها أبد هيهات نِنْساهــا == ضياغم أربعه ما خَيّبوا ظَنْها
ـــــ
ضياغم أربعه كُلهم مشوا للموت == صنعـــوه المجد شامخ أبد مَيْموت
والعباس بالكلفات عالي الصوت == رضُع طيب الوُفه طاهر نِبَع منْها
ـــــــ
رضُع طيب الوُفه العباس من دُرها == أمّـــــــه الطاهره وإبنصُرته سَرْها
إذا يغضب عساكر يندحر شَرْها == كفــــــل زينب يداريها إو يعاينْها
ــــــ
كفل زينب مثل ما وصّتَه أمّــه == رضا المعبود دايم غايته إو همّه
سَرْها الطاهره يوم الجَرَه دمـــّــــه == رسم عهد الأخوّه إو شِرْعتَه سَنْها
ـــــــ
رسم عهد الأخوّه إو حقّق المطلوب == رضـتْ أمّه الوفيّه وإﺑﮔلب مصيوب
ترسم بالبقيع إﮔبور بيها إتذوب == تظـل تحلم سواد الليل لو جَنْها
ــــــ
تظل تحلم سواد الليل من يِجْبـــِل == أمل عدها تمُر إطيوف بيها إتْحِل
تشوف الأربعه وإحسين إلها إيْهِل == وإطيــــوف الأحبّه إتروح تِحْزنْها
ـــــــ
وإطيوف الأحبّه اليوم ويّاها == تشيّعها اﻟﮔبرها إو ﮔاع مثواها
والزهره الزﭽيه اليوم ﺗﻟﮔاها == حوريّـــــات للجنّــــه يزِفْنّهـــــا
ــ
حوريّات ﺗﺗﻟﮔـــه الوفيّه اليوم == إنخاها يشيعي إو لاتظل مهموم
صارت باب للحاجه إو صرح معلوم == هـــــاي أم البنين الصافـــي مَعْدنْها
ــــــ
هاي أم البنين إبشوﮒ إﮔﺻدها == ﺗﮔضيهــــا الحوايج الله واعدها
إجري إدموع يامهموم ساعدها == والأمّــــــه البَغَتْ مرّات إلعنْها
ـــــ
والأمّه البَغَتْ هيهــــــات تِبْنيهـــا == قبور أهل البقيع إسمع بواﭽﻳﮭــا
يغايب تنتظر نورك يِضَوّيهــــا == وإيد الناصبي توصل إلَك فَنْها
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــ
مع تحيات شاعر اهل البيت / جابر النجفي
إسمعوا طور القصيده على هذا الرابط
http://www.wlidk.net/dldzj666563.mp3.html

[عهدي مع الحسين]

بسم الله الرحمن الرحيم
جزاك الله خيرا
على الموضوع الجميل
وربي يعطيك العافيه
اطيب تحياتي

[القلب الاسير]

وفقت وبوركت اخي العزيز
حروف تطرق ابواب القلوب وتستقبلها ادمع العين
لك جل احترامي ودعواتي اليك بالموفقية ان شاء الله
الاقل
احمد رفيش

[جابر النجفي]

اقتباس : المشاركة الأصلية كتبت بواسطة عهدي مع الحسين [ مشاهدة المشاركة ]

بسم الله الرحمن الرحيم جزاك الله خيرا على الموضوع الجميل وربي يعطيك العافيه اطيب تحياتي

ــــــــــــــــــــــــــــــــــــــــــــ

بسم الله الرحمن الرحيم
اللهم صل على محمد وآل محمد وعجل فرجهم
الاخ الطيب عهدي مع الحسين
اشكر المرور الطيب قضى الله حوائجك بجاه ام البنين عليها السلام

[جابر النجفي]

اقتباس : المشاركة الأصلية كتبت بواسطة القلب الاسير [ مشاهدة المشاركة ]

وفقت وبوركت اخي العزيز حروف تطرق ابواب القلوب وتستقبلها ادمع العين لك جل احترامي ودعواتي اليك بالموفقية ان شاء الله الاقل احمد رفيش

ــــــــــــــــــــــــــــــــ

بسم الله الرحمن الرحيم
اللهم صل على محمد وآل محمد وعجل فرجهم
الاخ العزيز احمد رفيش
اشكر مرورك الطيب وفقك الله ورعاك

[ابو مريم الاسدي]

طيب الله انفاسك خادم الزهراء جابر النجفي ووفقك وسددك بخدمة محمد وال محمد عليهم السلام
واهديك مستهل ونص قصيده اكتب بها الان بذكرى شهادة ام البنين باب الحوائج قضى الله جميع حوائجك والمؤمنين:
ادز دموع عيني الطفه مكتوبي ****تكله شلون بيه حسين محبوبي
كلبي من الحزن ذاب***********انته وولدي غياب
****************
دنياي الجرت ببحور احزاني****جنت آنه العزيزه بزود ولياني
بين حسين والعباس تلكاني****اميره وهمه والقرآن تيجاني
دنيه بحال ماتصفه أبد مره***********بعد الفرحه خلت بالكلب بالكلب جمره
هليله النجم غاب****************انته وولدي غياب
تكله شلون بيه حسين محبوبي
خادمك ابو مريم الاسدي

[جابر النجفي]

اقتباس : المشاركة الأصلية كتبت بواسطة ابو مريم الاسدي [ مشاهدة المشاركة ]

طيب الله انفاسك خادم الزهراء جابر النجفي ووفقك وسددك بخدمة محمد وال محمد عليهم السلام واهديك مستهل ونص قصيده اكتب بها الان بذكرى شهادة ام البنين باب الحوائج قضى الله جميع حوائجك والمؤمنين: ادز دموع عيني الطفه مكتوبي ****تكله شلون بيه حسين محبوبي كلبي من الحزن ذاب***********انته وولدي غياب **************** دنياي الجرت ببحور احزاني****جنت آنه العزيزه بزود ولياني بين حسين والعباس تلكاني****اميره وهمه والقرآن تيجاني دنيه بحال ماتصفه أبد مره***********بعد الفرحه خلت بالكلب بالكلب جمره هليله النجم غاب****************انته وولدي غياب تكله شلون بيه حسين محبوبي خادمك ابو مريم الاسدي

ــــــــــــــــــــــــــــــــــــــــــــــــــ ــــــــــــــــــــــــــــ

بسم الله الرحمن الرحيم
اللهم صل على محمد وآل محمد وعجل فرجهم
الاخ العزيز ابو مريم الأسدي
اشكرك وفقك الله ورعاك وقضى حوائجك بجاه ام البنين عليها السلام
جميل جدا ما كتبت وفقك الله في هذه الخدمه المباركه

[قاسم حتروش]

والأمّه البَغَتْ هيهــــــات تِبْنيهـــا == قبور أهل البقيع إسمع بواﭽﻳﮭــا
يغايب تنتظر نورك يِضَوّيهــــا == وإيد الناصبي توصل إلَك فَنْها

المبدع جابر النجفي
كلماتك مملوءه بالولاء والأيمان
حفضك الله وحشرك مع محمد وال محمد
تحياتي