[مصحح المسار]

وحگ دم الحسين
وحگ دم الحسين بكربلم من ســـــال*** يظل صوت العـــراق محيرالاجيال
وحگ طف اشهادة ومصرع الابطال*** نظل ثورة بحـــــلگ دنيانة ماتنزال
بدينة وياعراق بحرفك مـــــــــعلمين*** شعوب الـگــاع فصلنة العلم تفصال
وخليل الله يسخرمن صــــــنم نمرود*** حطمهة بيمينة وفاســـة عتـــــــمثال
بابل وحــــدينة اديــــــن والقــــانون*** ابمسلة حمورابي مضــــرب الأمثال
وبذي قار شــرفنة الـــــمراجل زين*** خلـــــينة الوفــــة نيشـــان للــــخيال
وبلكوفة عــــلي خــــلانة متنــسمين*** نسيم جنان فعل الــزلم للأقـــــــوال
وعباس وحسين وزينب امــــعزبين*** مضــــايف باذلات اروح بـــلترحال
ورحـــلتهم ثمر وابثورة العـــشرين*** مـــــگاويرالعشـــاير شابهت لاحوال
يااحلة البلاد وأحــــلة منــچ ويــــن*** بلادالله ربــــــي اشـــكثرهة اشـــكال
حضن ليلـچ وسيع امـگـابلاتةانجوم*** وگمريضوي بدلالة ورمش چــــتال
وترب منـچ أصيل وعطرة فايح دوم** وهوة البلسم عبــــيرة يطــيب الدلال
ونخيل البيـچ متحلي بـگايب صيف*** وبثـــغرة اثـــمرمن اطـــعم حــــيال
فتح عينة الفـــجروتــسمة برحــمن*** وگعدهة اشمس وآذانة وسعت بــال
امسحت خدهة وتوضت بالندة الهتان** وصلت من رضاهة وفلت اچنـگال
ربة فيهة العراق وگـعدت النــهرين*** الفرات وماي دجاه يكــــتب الموال
هزج وية المحب حتة اجبل والهور*** وملح سبخ اجنوب يواصــل اشلال
المطربلل رصيف الكرخ فـــرحان*** وحالوب ارصافة من الشجن همال
وطيرالاعظمية يهزز الجــــــنحان*** روة منل كاظميةالعطش راهي البال
وقباب آل النبي تتصافة بيهة اگـلوب** ماتعرف وزير وذاكـــــة ابن حمال
وگفنة وياعراق صــــفوف ملتمين*** تحـــية وللعـــلم هامــاتنــــة تنــشال
وردننة النشيدبصــــوت متوحدين *** وشدينة اظهر متحزمين بل آمــــال
وشدينة اظهرمتحزمين بل آمال