نبارك للأمام المهدي عجل الله فرجه الشريف ولاية الأمر
ونسأل الله أن يجعلنا من أنصاره
لمهدينه البيعه لمهدينه ...... لو جن وأنس إتعادينه
********************
نعزي الغايب الليلـــه ..... وننادي كلنه يالمحجــوب
الحسن مسموم يالمهدي .... على فراكه تذوب كلوب
بعــيد وداره بالغربــــه ...... بسامره شمــــع ويذوب
تسيل إدموعه عالوجنات ..... غريب بغربة المسلوب
علينه إنشبحت إنظاره ..... كومو نكصد داره
ولون طبينه سامره ..... تضمنه كبته والينه
***********
سفينة نـــوح يالغايب ..... كلمن فاركــك غركـان
مله كل الأرض نورك .... بيه تتبارك إنس وجــان
بيمينك رافـــع التورات ..... والأنجـــيل والقــرآن
يل حكمك حكم داوود .... لطلعتك كل كلب ولهان
فرشت إعيوني بدروبك .... يالغايب كرب يومك
غيرك ما يوالينه ... رسالة بدمنه خطينه
*************
سنين الغيبه يالمحجوب ..... طالت والكلب بيه نار
و حجــي الناصب ياذيني .... مته الغايب يرد للــدار
يخـــرج ينقذ الشيعــه .... عليهـــم دارت الأخــطار
ويمليهـا الأرض عــدله .... عيشو بهــذي الأفكـــار
الغايب كذبه ياشيعه .... ينادي بدعه هالبيعه
وننتظره إبألم فركاه.... وننادي كربن سنينه
**********
على دربك عيون الناس ... تنطر سيدي أخبارك
تاذيه الفــتن مــولاي .... كوم وإنقــذ أنصــارك
يافتنه التداوي اليوم ... وخصمك من وسط دارك
الشريعه إخــرج إنقذها ....وردهـا بيضه بنوارك
الفتنه تفرق الأمه .... البناها جدك بدمه
بأفضع فتنه مرينه ... ونورك هو هادينه
*********
لون جن و إنس توكف ... ضدنه لا أبـــــد منتوب
علــى حبكــم تربينه ..... وحبكم بالكــلب مــكتوب
زغار كبار هــــل موقف ..... تفتح للشهادة إدروب
لســـامره زحــــف جينه ... نجــدد بيعة المحجـوب
نقسملك ببوك حسين ... هاي البيعه أصل الدين
يالمهدي ونجددها ..... صفوف الليله صفينه
***********
يبو صالح نريد الثار... وعلى دربك نهل العين
ثار المنذبح عــطشان ... وجبده منجسم نصـين
وبدم عمـــك العباس ... من ترفع لــوه الجفــين
وثار إم الخدر زينب ... من نادت يخويه حسين
وسط الحومه محتاره .... عليها تاهت أخباره
وياهه كلنه نادينه .... يحيدر أوجرو بينه
لمهدينه البيعه لمهدينه
***********
أهدي ثواب هذه القصيدة إلى والدي ووالدتي
قاسم طاهر القاسمي
ابوتكتم الخير
لمهدينه البيعه لمهدينه
العرض العادي
