أللهم صلي على محمد وآل محمد
أهدي هذه الكلمات إلى اليتامى من أطفال العراق
تاهت يتيمه من الضعن ..........محد تناهَ بذيج المحن
تاتاناهَ بس الراس
************
طفله من الضعن طاحت......تتلكه بديهَ الكاع
ظلت تسجب العبرات ......مهضومه بكلب ملتاع
طفله و من يباريه .....وشحال الطفل لو ضاع
تاهت عن اهاليها......غريبه بهذي الأوضاع
مرعوبه صاحت ياعمتي....لو رحتو عني ياضيعتي
تاناهَ بس الراس
***************
معلوم الطفل لوضاع ......ينشدون الأهل عنه
لاجن بنت أبو السجاد....بهلهه كطعت الظنه
منهو اللي نشد عنهَ......غريبه وطاحت إبمحنه
ساعه تنادي أهاليها......وساعه تجذب الونه
محتاره ظلت إلمن تصد......وتنادي أهلهَ ومحد يرد
تاناهَ بس الراس
**************
صب دمعه التراب وذاب ....لمن شاهد الطفله
ناشدها الأهل جاوين ....بأرض الطف هلي تكله
عفتهم نومه عل الغبره ......بعدهم دهري إشخله
عكبهم ما بطل نوحي.......بس بحزاني أتسله
حن التراب عليهَ ونحب.....بلا والي ظلت وبلامحب
تاناهَ بس الراس
*************
تتلفت يمين إيسار..... و عليه جلجل الوهواس
لا زينب و لا كلثوم ......لا أكبر و لا عباس
بيها دارت الحسبات ...ومن يرحمه من هالناس
أهلها و ما درو بيها....و من تاناه غير الراس
والحادي بيهم لمن سره....بس راس أبوه دمزعه جره
تاناه بس الراس
*************
شالو روس أهل طه....على رماح الغدر والشوم
لا جن راس أبو اليمه....ما كدرت تشيله الكوم
جن مشدود للطفله ....و عيونه عليها تحوم
ولمن نشدو السجاد.....سالت دمعته المظلوم
ناده عليهم طفله وكعت....من المحامل وتلوعت
تاناهَ بس الراس
*************
ملهوفه إطلعت زينب ....ومن دم يجري مدمعها
لن ناداها راس حسين.....بنتي من يرجعها
عندج يا ضوه عيوني ....هاي الطفله مودها
ليش بيا ذنب يختي ....الشمر سوطه يلوعها
فوك المصايب يم الخدر ....عفتيه خويه شنهو العذر
تاناهَ بس الراس
ابوتكتم الخير :يتيمت الحسين
العرض العادي
