[الشاعر حسن خليفه]

القصيده الفاطمية الكبرى
الشاعر
حسن خليفه

من كمال الله سواج الكمال


ونورج الصافي تجي تبوسه الشمس
يهيم بيج الواقع ويسرح خيال
واعله حبج تبقى مرتاحه النفس
انتي يابضعة محمد لامحال
ايه نزلت لكن بهيئة انس
من جمال اخلااقج يجدي الجمال
ومن لسانج يبتدي الحجي السلس
اكتب وحبي الج شعر ارتجال
واكعد بمدرستج اتعلم درس
انه شاعر مني تتعلم اجيال
واكطع الجف الكسر ضلعج امس
انا اول من كلت لا للجهال
صوتي عالي وما رضه بحجي الهمس
كلت عنج فاطمه وكالو محال
وكلت عنج فاطم وكالوا عكس
هزني شوكج واكتبت ما هزني مال
وغيري ناس هواي هزاهه الفلس
عن علي وعنج حجوا مالايقال
وانتفض شعري وصرخ بيهم دئس
هاي فاطم طهر من طهر الجلال
وهذا حيدر زلم من سيفه تنس
يم كسر ضلعج عرض طال الجدال
لان ضلعج مو ضلع ضلع القدس
منه اعرج والدج يم العيال
واعله ضلعج حطوا لدينج اسس
انتي ضلعج دمعه بخدود الجبال
وبكسر ضلعج اجبال التنتكس
شتلو البسمار بضلوعج شتال
وخضر ادموع وضلم يالماتحس
سطرت الباغي اعله وجهج لاتزال
مثل غيمه او واكفه بوجه الشمس
دمع اسود انتي بجيتي الليال
وبحزن حزنج طلستيهن طلس
غنم جانت يم علي اشباه الرجال
واعله بابج صار واحدهم شرس
من صفاتج ما حوت حتى الصفات
ولامثل وصفج وصف شالت مره
انتي بعيونج غفه الدين ويبات
نام بالدنيا وكعد بالاخره
صبرج سيوف ورماح مشرعات
ودمعتج قران والخد دفتره
فرق كلبج والسيوف القاطعات
كلبج ابيض والسيوف مزنجره
انتي كطرة سمه بحر الامنيات
وانتي اول كطره شالت باخره
وانتي سالوفه بحلك كل الروات
ابابج التاريخ ضل لازم سره
ياحلم بعيون الالاف الحفاة
ثورة الاحرار ذريتج تره
انتي اوزان وقصايد شاردات
وانتي مطلعهن اذا شعري انقره
ياقصيده ستجدلهاالقافيات
ويا جزيرة شعر وبهيئة مره
يالعلى شفافج نبع ماي الحياة
حجيج اياه وحجيهم ثرثره
انجمعوا ابابج اولاد التافهات
شلة انجاس وعتاه وكفره
وخلوا البسمار بضلوعج يبات
وانتي ضلعج عرش الله ومنبره
الدفع بابج ابد ماعنده ذات
الباب واجفوفه اشجنت يا مجزره
الكسر ضلعج كسر ضلع الصلات
والصلاة بلاضلع ضلت تره
انتي بيج الموت يا مولاتي مات
لان مالج كل كبر بالمكبره
الكبر حفروا بس للميتات
وانتي حتى الموت من موتج بره
الكال عنج ميته عقله شتات
الشمس ماتندفن تحت الثره
ياهي مثلج خلفت سفن النجات
وجابت حسين وحسن من حيدره
وياهي مثلج وانتي ام الصابرات
بالصبر خلصتي عمرج صابره
انتي ام الطهر وام الطاهرات
وانتي ام النبي وبته الطاهره
والله يم شخصج زغيره المعجزات
انتي تفاحة الجنه المثمره
انتي دين وعفه واخلاق وسمات
انتي نور الله نورج مصدره
انتي ياسين وحمد والصافات
انتي ربج كون بيج اختصره
انتي ايه بحلك رب الكائنات
انتي سر النبي ودينه وكوثره
عدل دربج من حياتج للممات
لان ربج خطه الج بالمسطره
فاطم الزهراء فاطم ياصفات
التكدر توّصف بريق الجوهره
جيت اوصفج نشفت بحلكي اللهاة
وما اوصفج وارجو منج المعذره


تحياتي لكم
الشاعر حسن خليفه

[ابو ظاهر البركي !]

اللهم صل على محمد وال محمد


الله الله الله


اللهم صل على فاطمة وابيها وبعلها وبنيها والسر المستودع فيها


شاعرنا الفاضل
جزاكم الله خيرا
ورزقنا واياكم شفاعة مكسورة الظلع الطاهره عليها السلام


سيدي الجليل كانت قصيدة رائعة
مطرزة بالولاء المحمدي

دمت ودام مداد قلمك الموالي



خادمكم
ابو ظاهر البركي

[الشاعر حسن خليفه]

اقتباس : المشاركة الأصلية كتبت بواسطة ابو ظاهر البركي ! [ مشاهدة المشاركة ]

اللهم صل على محمد وال محمد الله الله الله اللهم صل على فاطمة وابيها وبعلها وبنيها والسر المستودع فيها شاعرنا الفاضل جزاكم الله خيرا ورزقنا واياكم شفاعة مكسورة الظلع الطاهره عليها السلام سيدي الجليل كانت قصيدة رائعة مطرزة بالولاء المحمدي دمت ودام مداد قلمك الموالي خادمكم ابو ظاهر البركي

الاخ العزيز .. ابو ظاهر البركي

السلام عليكم ورحمه الله وبركاته

شكرا لمرورك الكريم اخي الغالي

وثبتنا الله سبحانه وتعالى على ولايه امير المؤمنين وسيد الوصيين عليه السلام

لك مني الشكر الجزيل

اخوك

حسن خليفه

[الشاعر حسن خليفه]

شكرا لمروركم الرائع

[جابر النجفي]

من كمال الله سواج الكمال

ونورج الصافي تجي تبوسه الشمس
يهيم بيج الواقع ويسرح خيال
واعله حبج تبقى مرتاحه النفس
انتي يابضعة محمد لامحال
ايه نزلت لكن بهيئة انس
ـــــــــــــــــــــ
بسم الله الرحمن الرحيم
اللهم صل على محمد وآل محمد وعجل فرجهم
الاخ العزيز الشاعر حسن خليفه
السلام عليكم ورحمة الله وبركاته
قصيده جميله ورائعه بارك الله بك ووفقك لكل خير
انشاء الله شفيعتك فاطمه الزهراء عليها السلام

[الشاعر حسن خليفه]

الاخ العزيز .. جابر النجفي

السلام عليكم ورحمه الله وبركاته

شكرا لمرورك الكريم اخي الغالي

وثبتنا الله سبحانه وتعالى على ولايه امير المؤمنين وسيد الوصيين عليه السلام

لك مني الشكر الجزيل

اخوك

حسن خليفه

[قاسم حتروش]

الصلاة والسلام على فاطمة وأبيها وبعلها وبنيها
أحسنت أخي حسن خليفة على هذه الكلمات الروعة
حقيقه تشرح الصدر جعلها الله في ميزان حسناتك
تحياتي
خادمكم

[نزار الفرج]

بسم الله الرحمن الرحيم
بوركت شاعرنا العزيز حسن خليفة واحسنت
قصيدة رائعة جسدت اروع الصفات ..
السلام على ام ابيها وقرة عينه صلى الله عليه وآله
اسال الله لك الشفاعة من النور الذي ولد من النور
اخوكم ابو مُحسّد النجفي
نزار الفرج

[فاضل ابو منتظر]

احسنت ايها الاخ الكريم
جعله الله في ميزان حسناتك

[القناص الاول]

لن ارد او اعلق حتى اقرؤها الف مرة ..