[رحيم الحسناوي]

البرنامج الكامل لليوم الاول من محرم 2012مع يوتيوب خاص باوزان القصائد(للرواديد)
نعي
ــــــــــــــــــــ
ياليل التمر بحسين بالله عليك حاجيني
كلي بحال ابن كرار هالليله وهضم زينب
ناوي لكربلا بهاليوم واهل الشر يريدونه
بارض الطف اميه تريد لابن الحكَ ينحرونه
كَلي بخيمة الرضعان منهو الحارس عليهه
ومنهو الناصر ويه حسين من ربعه اليودونه
كلي بغيرة العباس من زينب تناديهه
هذه الحيد ابو الكلفات والوادم يعرفونه
هذه ابن الفحل نوماس راعي الغيره والرايه
سبع الكَنطره العباس هالوادم يسمونه
ياليل الكلب خلصان والهم ما ترك وني
للضل بالغرب مرهون والدمعه بطرف عينه




قصيدة لطمية (ثكيل)

هالليله يم ضعن العقيله المضلوم..يحجي بعليهه وجبد اخوه المسموم
ذكّرهه كَلهه تذكرين..وانصاري ذوله السبعين
يحجي بعليهه وجبد اخوه المسموم


,,,,,,,
كَلهه العمر خويه انكضه بحسره وجور....فوك من اخوتج صارت الدنيه تدور
زور الخوارج جاوز حدود الزور...غلهم حقدهم ما تطفيه بحور
جارو علينه وبضّعو كل اهلي..صار الجبل هم والمصايب سهلي
عادو شمس نور الدين....وانصاري ذوله السبعين
يحجي بعليهه وجبد اخوه المسموم


كالتله زينب خويه لا تاذيني...اَنه المصايب تملي كَلبي وعيني
ردني لمجاني وللاهل وديني...ماضن يخويه بنايبه تخليني
كلهه الامر للباري وحده القهار....هوه الحفيظ على الفواطم والدار
هوه الوحيد اللي يعين.....وانصاري ذوله السبعين





صد للجفيل وناده كل انصاره....كلهم يقينه وكل علم باخباره
اخذو الضلام الجلجل باستاره....ردو لوطنكم ويه هالسياره
كالوله سياره لجنان الجبار.....كلهم شفيع الكم نبينه المختار
اوصفله دمعات العين....وانصاري ذوله السبعين
يحجي بعليهه وجبد اخوه المسموم




سلسل سهول البالزمن للانصار....وصّاهم بنصرة علي حامي الجار
كلهم ينصرون العدل رغم النار....رغم العدد والعدّه منّ الكفار
ذكّرهم بصولة علي وفزعاته....كلهم نرد زود المضى بصولاته
بدر وحُنين وصفّين.....وانصاري ذوله السبعين
يحجي بعليهه وجبد اخوه المسموم




صوت الفحل راعي الشدايد كبر...لبيك اخوي ومو ابي اليتعذر
هاي السيوف البيهه شوكَ تكَطّر...تطلب جيوش اهل الضغينه وتسعر
تتمايل لروس الحقد والانجاس...واَنه الجفيل وراعي ضعنك عباس
كَله الهواشم ميتين...وانصاري ذوله السبعين
يحجي بعليهه وجبد اخوه المسموم




كلهم نبيكم هالخوارج سمّوه...وحيدر عليكم ال اميه الجتلوه
همه الخيانه ومنبر الحك غدروه....وبلايه شاهد دينه ربكم دفنوه
جبد الحسن بيد الغدر تاليته....وال الضغينه بدفنته معاديته
ضلو لهلنه معادين.....وانصاري ذوله السبعين
يحجي بعليهه وجبد اخوه المسموم



لطميه(ثكيل)


در يحسين.......بيك العين........شافت رحمة الباري
بيك سنين.......يبقه الدين........حبك جنتي وناري

وانته اللوعه بالدلال وانته الما تفاركني
من بعدك شضل يا حال ضيم وهم يرافكني
اشوفك بيه ليل نهار وعيونك تشاهدني
ما طامع ولا رايد بس كونك تواعدني

يوم الموت........يعلى الصوت........لاتحزن يعبد الله
احنه وياك........ما ننساك........وانته الليله خطاري

اريدك ساعة المحضر تحضرني وتكَف يمي
تسهل سكرة الدلال تهوّن وجعتي وغمي
اريدك تلحك الناداك وتخفف ثكل همي
وانه لحيدرك يحسين فدوه الكم نزف دمي

واَنه وياك........تحت لواك........حد ما تنكَضي سنيني
كلي فداك........دوم انعاك........والكم بس تره اشعاري

اَنه بلاكم ابلا بيت لا كَاع ال الي تلمني
تايه بالبراري ولا يناشد كل بشر عني
بيكم يا سليب رجاي وانتم كل هلي وضني
شلي بعمري يالمذبوح لو تبعد يصل عني
عبدك صاح........لاجلك ناح........بحماتك يَحاميني
بيه رماح........تدمي جراح........وانته التقبل اعذاري
اَنه الكصرت وياك لو اشعل شمع عمري
ما اوفي لمحبتك دوم لو اكتب كثر دهري
بس باسمك ينوح بجاي يالبسمك دمع شعري
ما ابطل وحكَ عباس حد ما ينحسم امري
واتلكَاك........انه هناك........عندك يا ابو اليمه
رغم عداك........تعلى سماك.......لاجلك والحزن ساري

شمس التطلع على الكون وياهه اسجب الدمعه
من روحي وكلب يحسين ابجي واندب البضعه
يا من فجعتك بالكون ما ضن شابهت فجعه
صوتي بكل وكت وياك ينحب والنده تسمعه
من ناديت........لو واليت.......اطلب تشفع ليومي
ان واسيت........وتواسيت.........بيه اسمك يضل طاري

ون كَلبي وتلوج حشاي لاجلك يا ضوه عيوني
كوم الباطل اَنه انساك صدك همه يردوني
انعاك واغيض عداك واهل الشر يسمعوني
ريت اَنه بطفوف البين ولو يمكم ينحروني

يا مولاي.........انته دواي.........وانته الشافع الحمّاي
رغم عداي.........يبقه مشاي.........باسمك تنتشع داري




نزله
هذه الحسين بكربله هذه الحسين
ارض وسماهه تنوح اله تبجيله عين
ــــــــــــــــــــــــــــــــــ
هذه ضعن ابن الزجيه بزود ابو فاضل عبر
بيه فحول اهل الهواشم من نسل خير البشر
بيه حرم بيه زينب رباة الاطايب والدرر
بيه اهل راعي الامر قائم علينه المنتضر

بيه الفحول الصايله بيه الفحول
بيه تسري هاي العايله تبجيله عين


ضعن ابو فاضل يحوده الضيغم رباة الفخر
راعي غيره ومرجله ونوماس ابو الحك والضفر
للحسين ابن الجليله من انتفضله وانتصر
ماكدرعايل يمر بضعونه لو ينضر كدر
هذه العجيد ابن الفحل هذه العجيد
جن عنده عيد بكربلا تبجيله عين




صاحت الحره العقيله وينه اخوي وجافلي
غير ابو اليمه وعضيده بهالغرب شنهوالالي
هوه اخوي وضنوتي وصيواني هوه وكل هلي
بيه علم روح الزجيه بزوده يكَوه ويعتلي
هذه ابن ابوي الدك وتد هذه ابن ابوي
ماهمه كل عده وعدد تسجبله عين


صاحت سكينه بهضم يا عمي حامي العايله
انته جفال الشدايد وانته راعي المرجله
سيفك الماضي الجبل من يدنه ليه يزلزله
وانته كل مايل يساجي بجف يمينك عدله
ساجي العطاشى انته وعلي وانته الامام
سيفك يقيني ومنهلي تبجيله عين




كَرت عيون الهواشم بالبطل حادي الضعن
حادي خطوات الكرامه وضيغم بيوم المحن
بالغرب ضنوة علينه الجافل ابن الدر وطن
فرحه لاهله وبالكلب لاسمه الامن دوم انسكن
حادي الرجاب الحيدري حادي الرجاب
اصل اللجين الجوهري تبجيله عين



ياعلي ابنك بالطفوف وناوي يلحك بالاثر
ناحت لهضمه الجبال وناده لمصابه الشجر
دمه فوك من الوطيه على الارض نار انتشر
ياوصف يوصف مناحة زينب الدر يا صور
زينب تنوح على المشو زينب تنوح
وابنك ذبيح ويه الوفو تبجيله عين

الاوزان (يوتيوب)
http://www.youtube.com/watch?v=UiKR065wuBE

[البدري14]

طيب الله انفاسك
موفق شاعر اهل البيت
رحيم الحسناوي
تقبل مروري بود