[ألاعلمي]

قصيــده بعنـوان(((أفرح بالحلم لمن تجيني)))..شعرشعبي عراقي عن (الأم)
للشاعر العراقي : كريم الحاج فليح
يسألكم ونحنوا معه نسألكم الدعاء

أفرح بالحلم لمن تجيني
.................................................. ..

أفرح بالحلم لمن تجينــــي وترد الروح حين التسألينــــي
يمه شبيك ما بيــــــــك
وحبيبي شنهي مــاذيك
بكبرج يالعزيزه وتفكديني وترد الروح حين التسألينـــي
ــــــــــــــــــــــــ
كمت أعشك واحب يحبيبتي النوم حته أغفه وأشوفج أنه كل يوم
تزيح أبشوفتج يالطيبه لهموم يالوجهج بدر وبجفني مرسوم
أيتلاشه الكلب همـــه
لو جيتيني يمــــــــــه
بحلامي واكحل بيج عيني وترد الروح حين التسألينـــــي
ـــــــــــــــــــــــــ
أفزمن نومي والكه الدمعه عالخد وحته دموعي لجلج لبسن أسود
ونار البالكلب ما ترضه تخمــــد يمج ريت يا يمـــه أتوســـــــــد
طول بطول يمـــــج
أنام وحيل أشمــــــج
مو هزني الج شوكي حنينـــي وترد الروح حين تسألينـــــي
ـــــــــــــــــــــــــ
سعيد العنده أم يسأل عليهه وكل صبح ومسه يقبل أديهــــه
وبيهه يصبح أمنالصبح بيهه ولو صله بصلاته يدعي ليهـه
يمدله الله بعمرهــه
ويضاعف أجرهــه
وفدوه يكلهه الج أنه وبنيني وترد الروح حين تسألينـــــي
ـــــــــــــــــــــــ
هنياله اليحب أمه وخدمهـه ولا زعلهه يوم ولا هظمهــه
وهنياله اليقبلهه بجدمهـــــه ويشم ريحة الجنه من يشمهه
بالأم هاللـه هاللـــه
بيهه موصي اللـــه
وياللي بخدمتج وصاني ديني وترد الروح حين تسألينــــــي
ــــــــــــــــــــــ
أشوف الشيب البراسج يلالي مثل نور البدر نص الليالـــــي
وعليهن شيلتج لخذت خيالــي الدللول الولد والدمع هالــــــي
وأتذكر دمعتـــــــج
مثل ليلو أعله خدج
وبيدي أمسحهه ياشمعة سنيني وترد الروح حين تسألينــــــي
ــــــــــــــــــــــ
يمه شلون كلمه والهه معنه وأحله منهه لا لا ما سمعنــــه
معناهه حظن دافي ويلمنــه ومعناهه الحنان اللي غمرنــه
الكلمة يمه مشتـــاق
أصيحنهه أمنالعماق
ولو باخر الدنيه تسمعينــــي وترد الروح حين تسألينــــــــي
ــــــــــــــــــــــ
جم موته الج والله التموتيــن بيه بالعزيزه من تطلكيـــــــــن
برحمج أنه وأسمع من تصيحين أحضر ياعلي دخيلك يبو حسين
يالشفتي المنيـــــه
من أطلكتي بيــــه
ومن حب أل طه ترضعيني وترد الروح حين تسألينــــــي
ــــــــــــــــــــــ
بــوذيــــــه
ـــــــــــــــــ
لجري عليج دمع العيــــن يوَمـــــي (يَمــي)
وكبل يومج أصيحن ريت يَومـــــي (يومي)
بعدج مـا أريد الـــــــروح يومَـــــي (ياماي)
عيني ويالعزيزه ويالوفيــــــــــــــه

[فداء تراب أبي تراب]

مهما فعلنا سنبقى مقصرين بحق امهاتنا

سلمت الأيادي التي كتبت

[ثورة الحسين]

الله الله الله
رائع رائع رائع
واهدي اليك هذا الدارمي بقلمي
___________
للضربه ميثني حيدر الكرار
وختبن ود هاي تحجيلك الصار
___________
اخوك
عبدالله العتابي

[لبيك داعي الله]

الله لايرحمنا من حنان الام


بوركتم