[رحيم الحسناوي]

يا يمه اسالي ونشدي عنّي طفوفي..طاحت لاجل ولد الزجيه جفوفي
طحت وسجب جود الماي...دارت علي كل عداي
طاحت لاجل ولد الزجيه جفوفي
ــــــــــــــــــــ
انه الساجي العطاشى وتشهد يميني..انه الزينب بكَت عالشط تناديني
وحيده بلايه راعي ومن تحاجيني..يهل دمعي وتلوج على الطهر عيني
يايمه صوتج بالطفوف نسمعه..يقره المصيبه على الطهر والفجعه
شفتج تتبعين مشاي...دارت علي كل عداي
طاحت لاجل ولد الزجيه جفوفي



انشديه الفرات الطاحت اركانه..لمن شاف على جرفه يرفرف لوانه
دمايه على الارض صارت تره عدانه..وعلى دموع النهر تتكَاطر دمانه
يبجي الفرات وضل يجود بروحه...وجروح ابو اليمه اعتلت بجروحه
يبجي ويهل دمعه وياي...درات علي كل عداي



سفينة هالصبر ضلت بلايه شراع...دفع بيهه الغدر وانهد ركنهه بساع
شره بدين النبوه ابن الرذيله وباع...على ابطال المصر للملم حشوده وشاع
يمه الصبر طاح وتراده شراعه...راحت ليوث اهل الامامه بساعه
ظاكت علي هاي سماي...درات علي كل عداي
طاحت لاجل ولد الزجيه جفوفي



انه ابنج يالطهر سيفي على خصمج نار...انه رباةالعقيله وحيدر الكرار
وفيت وما دنت كَوم الكفر للدار...ولا وصلت خدور الاَمنه الفجّار
دست على روس اهل الدعيه بزودي..شلت بيميني الرايه واطلب جودي
ماي النهر جان رجاي...دارت علي كل عداي
طاحت لاجل ولد الزجيه جفوفي



شفت يمه الحسين بغربته محيّر..شفت جدم العقيله بهضمه يتعثّر
كَلت خلّه الجسد للحره يتوذر...ولاشوف اليتامه بهمهه تتحسر
يمه العطاشى وبت علينه ابّالي...اَذاني همهم بالغرب جتّالي
همه الشفى وهمه الداي..دارت علي كل عداي



شفت يمه الجيوش على الحسين تحوم...وانه جفوفي تزف لابن الزجيه دموم
تحتّم موتي وفراك الطهر محتوم...على رسوم الحسين اعظم حزن مرسوم
شفت الحسين دموعه فوك دموعي...ما احس ييمه بكل حراك فروعي
يمه الفواطم بحماي...دارت علي كل عداي
طاحت لاجل ولد الزجيه جفوفي



بكَه حسين بغربته وضاكَت الوسعه...بكَت زينب وحيده وتسجب الدمعه
كُبَر هذه الكَلب من الالم صدعه..وفي لحيدر علينه وكل هله بطبعه
وافيت انه لحيدر ييمه بروحي...كل دمعي لخدور العقيله ونوحي
للمرعليهم شجّاي...دارت علي كل عداي
رحيم الحسيني الحسناوي

[حبيبة الحسين]

مشكورين لهذا المجهود الرائع
بارك الله بكم

[رياض الرسل]

السلام عليكم

الحبيب الغالي
رحيم الحسناوي

موفق على هذه القصيده الرائعه
وجزاك الله عليها خير الجزاء
دمت بكل خير وبركه


رياض الرسل

[عاشقة عــلي]

دمتم ودام عطائكم الكريم

بارك الله فيكم