[ميثم عبد الامير]

خدمة الحسين (ع)
كتبنه احنه الشعر مو لأجل جاه ومال
ولاشيدنه بيت ونحتمي أبظله
ولابعنه الضمير بساعة الشدات
ولا بانت علينه ابد كـــــل خله
مشيناه الطريق بكل صلابه وزود
رفضنه كل رذيله واسم كل ذله
ولاكبرنه روس ولاحنينه الهام
ضحينه وصبرنه وهالمجد يعله
صفينه النوايا بحب أبو السجاد
وكل صعبه أبطريقه أصبحت سهله
واضح هالطريق ولا سؤال أيريد
الحب حسين درب حــــسين يندله
هنياه المشه بدربه يبو الأحرار
وأبثوب الـــــــــــخدامه أبعزه يتحله
البيه اكلوب تصفه وتترك الأحقاد
وكل جرح الدهانه أبـــــــحبك انشله
باافكارك مضينه بكل وعي وأيمان
تتفجر أفكارك بـــــــــــــينه تتجله
وباجر شخصك أيجازينه بالجنه
وأملاك الجنان الخـــــــــــادم اجله

[رياض الرسل]

السلام عليكم

رائعه هي القصيده
اسأل الله قبولها منك

دمت بكل خير

رياض الرسل

[الروح]

بوركت الايادي الطاهرة
قصيدة رائعة تتفجر حماس وشموخ
وفقكم الله سيدي الفاضل

تحياتي