صرت شنه وطوها الغيض بجفاك
نحيل وانلظم بالسام بجفاك
واصيح انه برفيع الصوت بجفاك
ترد لوما ترد غربوا بيه
-----
يعين الله المفارق هله والجار
وما همني الرحمني الزمن والجار
تعودت على رفع الصوت والجار
سويحل ونايل وعتبه واذيه
-------
جمالك من حسن يوسف وصف بيه
واجمع دايش بهمي وصف بيه
طبيبه اييس ولا ينفع وصف بيه
شيكتب والقلب علته خفيه
-------
من فهمك على المخلوك تنحل
شمشد حبال وصلي وياك تنحل
بجفاك الروح حقها عليك تنحل
سلها فركتك واقصيت بيه
-----
يمن من دور المعروف ينصاك
عليه باب ودك ليش ينصاك
الي طارش بكل مصباح ينصاك
من فراكك جنون اصبحن بيه
----
بغلاتك ما صبح صاحب ولامي
وعليك افنيت كل عمري ولمي
لاكاتب حصى ظلمك ولامي
جزاي تشوفني وتضحك عليه
-----
تحياتي
ابوذيات
العرض العادي
