حروف من محراب الزهراء .. حيثُ ضلالُ العرش
الى مولاتي ام الحسين عليها السلام
ثوابها الى امواتكم و اموات شيعة امير المؤمنين المنسيين
و خدمة الحسين و الشهداء الكرام
و اسألكم الدعاء
انا الزهراء ... ضِلالُ العرشِ محرابي
ابي المختار ... ابي المختارُ أوصى بي
قد آذاني من آذاها وَ أرضاني من ارضاها
1
عليم الله بشجن روحي يمن تسمع .. بعد غيبة ابويه يسـولف المدمع
مُصابي لو لِمس جلمود يتصدّع .. ونيني وَنْ عليله امتانِيه المصرع
اصيحن آه وعليه الصَده يرجع .. و لا واحد سمعني وصار الي مفزع
الم روحي ... جبل آهاتي و احزاني
الم روحي ... على دمعاتي دلاّني
انا الزهراء ... ضِلالُ العرشِ محرابي
2
علي سيف الله محد كَبله لو بَعده .. علي بصولاته يشهد صارمه ومجده
علي شاف الزنيم اعليه يتـعده .. علي حبل الوصيه الجتفه و رَدّه
علي اموصيه ابوي السيفه ميجرده .. علي صبره بحركَـ بابي وصل حده
وحكَـ محسن . قسم لولا وصية احمد
وحكَـ محسن . اضن ماخله كل احد
انا الزهراء .... ضِلالُ العرشِ محرابي
3
ونيني زاد من غصبـوا فدك مني..كَِطَعت ابهاي من اهل الظلم ضني
تشوف الناس حالي وتِستمع وني .. ولا واحد دفع هالفاجعه عني
نِسَو افضال ابويه و زَيدَو حزني .. بِت باني شريعتهم ولا چني!
علي الكرار ... التزم بوصيّة الهادي
علي الكرار ... لِسان الفاجعه اينادي
انا الزهراء .... ضلالُ العرشِ محرابي
4
الك يارب رفعت ايدي بجمر قهري .. بعد ماريد كَوم الانكرت قدري
نفذ صبري يرب و الله نفذ صبري .. بعد ماريد وي اهل الغدر عمري
الك اشكي يلاهي حالتي و سرّي .. اريد ابساع يارب انزل الكَبري
واريد ابليل ... علي ابلحدي يواريني
واريد ابليل ... يجي الكَبري ويسلّيني
انا الزهراء ... ضلالُ العرشِ محرابي
5
جِمار آهآتي والله لو تسمعوهه ... مِحن للموت يا وادم متنسوهه
شجن غطه المدينه روحو سئلوهه ... عن شجرة عذابي ليش كَطعوهه
خذت ويلادي يمهه الشجره نشدوهه ... تكَلكم أشهد آنه الزهره ظلموهه
علي بدمعه .. بنالي بيت احزاني
علي بدمعه .. حمل ويايه اشجاني
انا الزهراء ... ضلالُ العرش محرابي
زكي الياسري النجفي
11/03/2011 كيل
ضلالُ العرش محرابي .. ابي المختار اوصى بي .. انا الزهراء
العرض العادي
