[ابو معاد النجفي]

بسم الله الرحمن الرحيم

السلام عليكم ورحمة الله وبركاته

للزهراء لسيدة نساء العالمين(ع) اقول؟؟

كَبرج وينه. كَبرج وينه.. من اسنين احنه امظيعينه

مانرهم احنه يلبـاج........يالزهره ردي وحاجينــه

كبرج وينه
كبرج وينه اسنين انكول...... يالزهره مخفيه اثـاره

مجهول ومعلومه ارسومه...... لن الباري هو اختاره

رايد نتشرف ونــزوره...... والرحمه هي من اسراره

يا كَبرج هو اليحمينـه.....لوشنو بيه اكبر غــاره

غارة كفار وفجـــار...... ايهود ولو طبو لدار

ماتعرَك كَصته ولا جبينه
يم احسين ورايد طلبـه.....بجاه الكــرار واولاده

نتصافح كل احنه اخوان.....ونرجع خوان وكالعاده

لاسني وشيعي لهجتنه.....اهل البيت وبينه القـاده

وبلاد العتره موطنــه.....يله انَكوم انعيد امجاده

نتكاتف على الزينه وشينه.... واللي طايح كون انعينه

وبهاي انريد اتبارينه
يم احسين واشكي الحاله .....وارويلج جزء من اعماله

الكافر ماخله ابــلادي.....نهبو نفطه وكل امـــواله

وايهود اللي تامر بينه...... وياشبعي الاصبح بطــاله

واللي جاي وتحكم بينه......اصبحنه احنه اعليهم عاله

بايكني وبايك اموالي...... وجماله مكسف احوالي

وهو الصاير شيخ اعلينه
يالزهره لو اشكي اهوايه.....لجمات ونكبات البينه

ضربو كبه هادي الامه...... وردو تالي يم والينه

صار الشيعي اكبر مجرم......جيفنه رايح لحسينه

والادهى من هذا كلـه.......الشعي كام يعادينـه

الشيعه صارت اقوام.....نوع المله الشرع القام

ودربج يالزهره ناسينه
ولو اشرح يالزهره اشجوني..... ماظن يالحره ايسرج

كله اجتمعت ولغايتــه.....تسكن ارض الطهر وارضج

الاف ودخلت محتـله...... واتمسكنه احنه بصبــرج

الناس التنهب ببلادي...... نفس الناس الكسرو ظلعج

الخانو مسلم خانونه......امريكي صاير قانونه

ولانسمع صوت ينادينه

وارويلج حادث وبعينـي..... شفته ولا واحد كَالالي

من صارت هوسه ببلادي.....شفت النازل صاعد عالي

والمايملك صاير تاجــر.....يتأمريلعب باحـــوالي

والتحكم بينه معروفــه......لا سلطه وجاه ولا والي

رايد يخدم بس اسياده...... ومحسوب وينعد بالساده

وهذا صاير شرعه ودينه
كبرج وينه.....يالزهره والله انذلينه

خادم اهل البيت

ابو معد النجفي

[شاعر اهل البيت]

أخوي ابو معاذ كتبت فابدعت
جعل الله لك في كل حرف باب من ابواب الشفاعه
وسلام الله على الطاهره الزهراء

[عاشقة النجف]

بسم الله الرحمن الرحيم
اللهم صل على محمد وال محمد

اخي الكريم ابو معاد
منذ زمن لم نرك
واليم اطللت علينا باطلاله مباركه مملوئه بولاء ال البيت
بارك الله بك
وسلمت الانامل الفاطميه

[ربيبة الزهـراء]

السلام عليكم

سيدي ابو معاذ النجفي

ربي يعطيك العافية

على ماوضعته بين ايدنا

حفضتكــ الزهراء ع

[ابو معاد النجفي]

الاخ الفاضل
شاعر اهل البيت المحترم
شكرا للاطراء الجميل والمرور الكريم
اخوكم
ابو معاد النجفي

[ابو معاد النجفي]

الاخت الفاضله
عاشقة النجف المحترمه
شكرا للمرور الكريم وللسؤال الحمد نحن بخير وشكرا مرة اخرى لمروركم الذي اسعدني
اخوكم
ابو معاد النجفي

[ابو معاد النجفي]

الاخت الفاضله
ربيبة الزهراء المحترمه
اطراكم ومروركم اسعدني
وفقكم الله لخدمة خدام الزهراء
اخوكم
ابو معاد النجفي