[ثورة الحسين]

اريد اصفن اليوم وي القصايد ** واخليك انته الحكم تنطي الصفات
ليش القصايد البيه اسم حسين ** اشما طال بيهن زمان ايردن خالدات
والقصايد المابيه اسم حسين ** اشما طال بيهن زمان ايصيرن خافتات
واريد اعرف السر من القصايد ** ليش قصايد حسين صارن شامخات
واريد من القصايد جواب ** جاوبني وكالن سرنه بحسين الحمات
ومن اقره يحسين ابضمايرنه ** يرجع صوت الرميثي ايهز الطغات
ومن اقره قصيده الغير حسين ** تجاوبني قوافيه اتكول منسيات
والقصيده الماينذكر بيه حسين ** قوافيه اتصيح ماعندي ثبات
والقصيده البيه ذكر حسين ** قوافيه ذهب ويصيحن عاليات
والك بيه اجر وثواب ** ومن بعدك تردده الناس صيحات
وبس اتكول يحسين ابضمايرنه ** تردده العقول اوياك دمعات

وجن حسين الرميثي اليوم ** حي مابيناتنه ويردد هتافات

وحسين نوره ايضوي القصيده ** ونوره ايغطي النجوم اللامعات
ومن اذكر ادموع جابرنه ** وميمر الجابري ايكعد المات
هو مو الف بيت مكتوب ** هو سفر خالد ونرجعله بالشدات
هو تاريخ كامل ومكتوب ** ومرجع لكل شاعر يكتب باهرات
ومن محمد لحد الحجه كتب ** والله ايساعد كلبك علقافيات
بس حرام لليوم مظلومه الناطقات ** وابيات الميمر بيه مظلومات

بس عدنه رواديد اهواي ** ليش ماخذو من عده ابيات

والله من تقره هاذه السفر ** يغنيك وماتحتاج تفتر مكتبات
ومشكور يا جابر اكلك ** واجرك جبير ابهاي الميمرات
ـــــــــــــــــــــــــــــــــ
بقلمي خادم اهل البيت (ع)
(عبدالله الشاعر)

[رياض الرسل]

السلام عليكم


موفق موفق موفق
دمت لنا

رياض الرسل

[أيمن آل زاهر]

مميز ما كتبت في هذه القصيدة أخي الغالي
في ميزان حسناتك إن شاء الله
بانتظار جديدك المميز دائما
أدام الله وزاد لك كل خير
وكفاك كل شر
تحياتي لك

[ثورة الحسين]

شكرا للردود الرائعه
تحياتي
اخوكم الصغير
(عبدالله الشاعر)
واهدي اليكم هذا الدارمي بقلمي
ـــــــــــــــــــــــــــــــــــــــــــــ
تدري الكلب يحسين بفراكك انصاب
انعاب وبعد ميفيد وديته للكصاب