[جابر النجفي]

بسم الله الرحمن الرحيم
اللهم صل على محمد وآل محمد وعجل فرجهم

حوفــــــــــــة العريــــــــــــس
ــــــــــــــــــــــــــــــــــــــــــــــــــ ـــــــــــــــــــــ
ياحوفة العريس مَحّد يلمها == حنّاها دمّه الفاض جاسم علمها
ــــــــــــــــــــــــــــــــــــــــــــــــــ ـــــــ
وصّه الحسن مهموم وإنطاني أمره == إبني الشبل خلّيه عمّه ينصره
لو شافه باقي إوحيد ينطيله عمره == وُلْعَمْتَه هالمهيوب يكشف ألمها
ـــــــــــــ
لامة حرب للكون إلبسها وإطلعْ == وإقصدْ لعد إحسين وإكباله إركعْ
نادي السبط مولاي إسمحلي أفزعْ == والله لَخّلي الناس تعلن ندمها
أبرزْ يجاسم روح ذَوّبتْ قلبي == يبني الفده ينراد يُحْفُظَك ربي
كام الالم يندار وبجسمي يدبي == حارب أميه اليوم وإمسح ظلمها
مثل الحسن جسّام ذاد العساكر == طب حومة الميدان إبن الاكابر
وبسيفه موت إيلوح عالضرب صابر== نصرة ابو الاحرار بالدم رسمها
ـــــــــــــــ
يايُمّه ماتم ذاك عرسك يجاسم == ناحت بواجي إعليك بيض الصوارم
نصبت عزاها اليوم نصبت مآتم == أمك يبعد الروح شافت هضمها
ـــــــــــــــــ
يايُمّه آني إوياك أبعث سلامي == للزهره أم إحسين وَصّل كلامي
كِلّلْها أمي اليوم وَدّتْني ظامي == أفدي ابو الاحرارقسمت قسمها
ـــــــــــــــــ
كنت آني أنطر دوم عرسك يغالي == ما حَسّبِتْ فد يوم سود الليالي
تطفي ضواك إتروح عنّي يوالي == والدنيه تقسي إوياي يطفي نجمها
ـــــــــــــــــــــ
لكعد ونوح إعليك صبح إو مسيه == ما غَمُّض العينيين وأنخه الزجيه
يازهره آني إنطيت إبني فديه == يم الحسن للناس إنتِ أملها
ــــــــــــــــــــــــــــــــــــــــــــــــــ ــــــــــــــــــــــــ
مع تحيات شاعر اهل البيت / جابر النجفي
يمكنكم سماع القصيده بصوت الرادود ابو كرار العراقي
على الرابط التالي
http://www.wlidk.net/dldbut78972.mp3.html