[احمد العراقي]

هز الغيض گلبه ورام يخصمها
فردها اصفوف خصمه ورجع لملمها

هز عباس غيضه وضهضب اعله الگوم
تبرج نار عينه وتبدي ما مضموم
خلّص كل حياته امتاني هذا اليوم
حضّر رايته و بچفوف ولّمها

حضّرهن اچفوفه وصال عالكفار
خله الروس تصتك ما تعرف الصار
سيفه ايحز رگبها وصار چالمنشار
تشهدله الطفوف اشلون كومها

كومها ومهرته ابنص دماها اتفوج
يرهب من گصدها الگاع حدره اتروج
گام ايخوط بيها اتگول چنها ابموج
ما تگدر توگفه وچفه حاكمها

حاكمها ابيمينه ولافها ابيسراه
صارت چالفرايس تفر منه اعداه
ما تگدر تصده اشلون تتلگاه
تدري الموت بيده وگبل يلزمها

يلزمها ويصفها اگبال عزرائيل
گاطعله النفس ويگول فوت وشيل
ذللها وسحگها وخلّه طفها ايميل
ولحضن المنيه افواج سلّمها

سلمها وتوجه صوب شاطي الماي
زاح الظال منها وصاح انه الجاي
انه ابن الصميده الـ بالعهد وفاي
ما ارضه العطش لاطفالي يالمها

يالمها وتلوج وانه راعي الجود
حيف يصير هذا وبيّه حيل وزود
ساقي اعطاشها وحل اوفي بالمعهود
ولزوم النهر يوصلها لخيمها

جر نهر الفرات وخيلها اصتكت
هد روج الحميه وشافها افتكت
من سيفه اللمض بالموت وارتبكت
شافت نار سيفه وچذب يرحمها

تهتز كربلاء ابساعة اليجبل
والدنيه اعله غيضه ابغيضها اتچلچل
حماي الحميه ابشخصه متمثل
سبع الگنطرة وهالصفة ايوالمها

والمها الچفيل اولام وي اسمه
وچمّلها ابحميته وغيرته وعزمه
والخوة العظيمة وهالة العصمه
حاوي اسرار كثرة وياهو يفهمها

صعبه اسرار شخصه اتحير الالباب
وكل عقل اليچهبه ايشوفه داحي الباب
سيرة من الوفه وما لمها يوم اكتاب
وابفخر الشهادة لسيرته اختمها

عنوان الفداء ابسيرته اتوسم
وثبّت ما وعد يوم الطفوف ابدم
يلتنشد عليه واتگول ما تعلم
راية ابن الصميدة وشمس شيضمها


احمد العتابي
العراقي

[زكي الياسري]

مداد من ذهب من يراع ماسي
المع من شمس الضحى
في رابعة النهار الحسيني
كلها اروع من كلها
ولكني همت ولهاناً بهذا البيت
فدعني وولهي ايها الشاعر
الفذ
يلزمها ويصفها اگبال عزرائيل
گاطعله النفس ويگول فوت وشيل
ذللها وسحگها وخلّه طفها ايميل
ولحضن المنيه افواج سلّمها


تـــُثَبّت ثلاثاً كرامة لابي الفضل العباس ع

[احمد العراقي]

مولاي العزيز زكي الياسري
انا ممتن كثيرا لهذا الكم الكبير والجميل من اطرائكم
فكلمات شكري تخجل امامه
لا املك الا ان ادعوا الله تعالى لك بحق ابي الفضل العباس عليه افضل الصلاة والسلام بالتوفيق والخير في الدنيا والاخرة
وان لا يحرمنا دائما شرف هذا المرور المبارك والعطر
شكرا جزيلا لك مرة اخرى
مع خالص مودتي

[لمار]

بارك الله بكم
كلمات رائعه ومعاني اروع
لايستحقها الا ابا الفضل العباس (عليه السلام)

[احمد العراقي]

اختي الفاضلة لمار
ممتن كثيرا لدوام تشريفكم لصفحاتي المتواضعة
حفظكم الله تعالى ووفقكم لكل خير بحق محمد وال محمد
وشكرا جزيلا لكم
تحياتي

[نسايم]

اللهم صل على محمد وال محمد وعجل فرجهم وفرجنا بهم



سلمت أناملك وسلم نبضك الولائي

أيها العتابي الكريم

قصيده تفوق الروعـه

كتَبت فـ أبدَعت


لك ولـ قلمك جزيل تقديري واحترامي


نتطلع لقآدمك بشغف..


ودمت بولاء الأطهار ...

[واثق العيساوي]

حياك الله حبيبي احمد وتسلم الانامل اللي خطت هالابداع...تقبل مروري

[غزل السلامي]