[خادمة الامير]

بسم الله الرحمن الرحيم

قصيدة هتفنه حسين للشاعر الكبير حسن هادي الكاظمي

سلامٌ على النسوة الطاهـرات ... ســــلامٌ على تلك العبـــرات
ــــــــــــــــــــــــــــــــــــــــــــــــــ ــــــــــــــــــــــــــ

وا حسيناه

سلبوني بويـه الظلام ... شبوها نار الخيـــــــام
وحسينك اعله الغبره ... صوبوا كلبه بسهـــــام
ويلاه واحسيناه ... ويلاه واحسيناه
-----------------------
زينب عليهــــــا جــارت النــــوايب
تنــادي باخوهـــا وتنتخي الكـرايب
هاي الحــرم تالـــــي صفن غرايب
يم الولي وجسمه لمخضب بدمـــــاه
ويلاه واحسيناه ... ويلاه واحسيناه
-----------------------
راح الذي يبــــاري الحرم ويحــامي
وراح الاخـــــو وتذبِّحــت اعمـــامي
ويـه الحـــزن ظليت اعـــرد الامــي
من دهـري شوفني الذي ماشفنـــاه
ويلاه واحسيناه ... ويلاه واحسيناه
-----------------------
صبري يبــو الغيــره مـــــــرد دلالي
حتــه الصبـــر ناح ابفكـــــد الوالـي
وحدي اناشـــــــد وانتحب الحــــالي
شنهـــو الذنب سويتــه والسوينـــاه
ويلاه واحسيناه ... ويلاه واحسيناه
-----------------------
نــار الدمــــــع لمصيبتك سريــــــــه
بروحي تصب الك يبن الزجيـــــــــه
دهـــري حرمني طلتـــك عليــــــــــه
حسين الذي چنت افرح انه الملگاه
ويلاه واحسيناه ... ويلاه واحسيناه
-----------------------
يردونـه ياخــويه من يمك انشيــــل
شنهو الأمـر لو هوَّد اعلينــه الليـــل
بس الحـــــــرم ظلت وظل العليـــــل
عالناگه امگيـَّـد والدمــع ابعينـــــــاه
ويلاه واحسيناه ... ويلاه واحسيناه
-----------------------
يمــك عفت سبعين أهــــل الحميــــــه
چنهــــم شموس اموســالده الوطيـــه
رايـــه وچفوف اعله النهـر رميــــــه
خويـه الگمـر وبزوده منچنت انخاه
ويلاه واحسيناه ... ويلاه واحسيناه
-----------------------
ياهو المثــــل كلبي ابهضـــم تمحن
عفتك طريـــح ابلاغســـل لاجفـــن
وضلوعك بخيل العــــــــده تهشمن
والجسـم اعله الغبره وسابـح بدمـاه
ويلاه واحسيناه ... ويلاه واحسيناه
-----------------------
طوّح الحادي والضعن بينـه شــــال
وعيني تصـد لسكينه والهالأطفــال
فوك الرمـح راس البدر من انشـال
صرنه بيسر واحنه سبايه ويـــــــاه
ويلاه واحسيناه ... ويلاه واحسيناه
-----------------------
غصبـــــا علي ياخويه مرمي عفتك
بلوعــــه وهضم يــــم الجسم ندبتـك
شلون انسه ايـام العشتهـــا ابوكتك
مصابك يظل طول العمر ماانســــاه
ويلاه واحسيناه ... ويلاه واحسيناه
-----------------------
اتنخـــــه بيكم بالدمــــوع التجــري
عزنه انسلب يالجنتو عزي وخدري
فوك الهزل جتفوني كسرو ضهري
وصوت الحرم اينادي واغريبـــــــاه
ويلاه واحسيناه ... ويلاه واحسيناه
-----------------------
عكب ذاك الخــــدر امشي سبيــــه
وسفه الزمـن سلمني لآل أميـــــــه
ليزيــــد يودونـي صــدك هديــــــــه
حـــره وتراني جدي رســــول الله
ويلاه واحسيناه ... ويلاه واحسيناه
**********
سلام على النسوة الطاهـرات ... ســــلام على تلك العبـــرات

نسالكم الدعاء

منقول للامانه

[ثورة الحسين]

الف شكر على المجهود الرائع لكِ وللشاعر الكبير حسن هادي الكاظمي
اخوك الصغير (عبدالله الشاعر)

[رياض الرسل]

السلام عليكم

مشكوووووووووووورة

على هذا النقل اختنا
و موفقه لكل خير


رياض الرسل



رياض الرسل

[الروح]

عظم الله اجوركم وبارك الله فيكم
موفقين ومأجورين أختاه

[خادمة الامير]

اقتباس : المشاركة الأصلية كتبت بواسطة ثورة الحسين [ مشاهدة المشاركة ]

الف شكر على المجهود الرائع لكِ وللشاعر الكبير حسن هادي الكاظمي اخوك الصغير (عبدالله الشاعر)

الف شكر لمروركم الرائع وربي يوفقكم بحق مصائب العقيلة زينب عليها السلام
الف تحيه لكم اخي الكبير (عبد الله الشاعر) ولكلماتكم الاروع

[خادمة الامير]

اقتباس : المشاركة الأصلية كتبت بواسطة رياض الرسل [ مشاهدة المشاركة ]

السلام عليكم مشكوووووووووووورة على هذا النقل اختنا و موفقه لكل خير رياض الرسل رياض الرسل

الف شكر لمروركم الرائع وربي يوفقكم بحق مصائب العقيلة زينب عليها السلام
الف تحيه لكم اخي الاستاذ (رياض الرسل) ولكلماتكم الاروع

[رآحيل]

بارك الله فيكم قصيدة اكثر من رائعة مأجورين ’’’