[المتقي]

ياروح واغله امن الروح -- والله مو هينه اتروح

تنتظرك الأشفار -- يوليدي دورك صار

* * *

يهل ساكن شراييني -- نبض تتحكم ابدمي

ابوك انه يضي عني -- يالأكبر ياجبل عزمي

يظلٌي الما يفاركني -- عشت طول العمر يمي

يغالي وكل سهم يرميك - احس يتهدف ابجسمي

ترميك نبلات البين -- ياعين واغله من العين

يا ساكن الأنظار -- يوليدي دورك صار

---------------------------------------------

يالأكبر يا رمح صبري -- الذخرته لساعة الكلفه

يبلسم جرحي من ينزف-- احطك عالجرح يشفه

يشمعت عمري لوطفوك -- احس ضي البصر يطفه

اسلمك للأجل بيدي -- ألف حيف وألف وسفه

ناداك حداي الموت -- ويصيح بسمك هالموت

ليك الممات اختار -- يوليدي دورك صار

---------------------------------------------

اخذ كلبي لحفظ صدرك -- درع من تنضرب يحميك

واخذ روحي الك خيمه -- ابهجير المعركه ادفيك

واخذ من عيني دمعته -- اخافن تعطش اترويك

وإذا يكرب عليك الموت -- اخذ عمري وبعد شنطيك

هالروح تتصبر بيش -- تهواك يالتعرف ليش

بيك انظر المختار -- يوليدي دورك صار

-----------------------------------------------

علي يبني وشغف عمري -- ثبت وسط الكلب ودك

علي يالوجهك الطاهر -- يذكرني ابوجه جدك

عساكر تنتظر جيتك ---- اجت سبعين ألف ضدك

وعيون مشبوحه اعليك -- فرسان هالمنتظريك

سبعين ألف غدار ---- يوليدي دورك صار

-------------------------------------------------

الأجل مامن مفر منٌه -- الأجل مكتوب يالأكبر

لجن موته أبشرف وأبعز -- فخر لليبذل المنحر

عزيز انته وعلي غالي --- لصبر فركاك ما اكدر

لجن هالتضحيه واجب -- امر مكتوب ومقدر

ميصير تبخل بدماك - - ويصير موعدنه هناك

يم جدك الكرار --- يوليدي دورك صار

[حُسينية الهوى ~]

لله در قلبك يا حسين
ما اصبرك على رحيل فلذاتك !
وما اربط جأشك سيدي .

ايها المتقي الفاضل
بوركت اياديك الكريمة اخي
وعظم الله لك الاجر .

تحايا عطرة .

[رآحيل]

عظم الله أجوركم القصيدة رائعة
وهي كالتي أنشدها الحاج باسم الكربلائي ’’’
يالساكن بعيني ’’ يازهرة سنيني ’’
عرسك جمع نور ونار وتذكرك ليل نهار’’

[منـار]

عظم الله لكم الاجر

[الروح]

المُتقي العزيز
عظم اللهُ أُجوركم وبوركت أياديكم الطاهرة
إمتناني مُقيم

[علي البههادلي]

احسنتم عزيزي وجزيتم خيرا على ماسطرنموه من روائع النظم
بحق سيد الشهداء وفقكم الباري ورعاكم

[المتقي]

اقتباس : المشاركة الأصلية كتبت بواسطة حُسينية الهوى ~ [ مشاهدة المشاركة ]

لله در قلبك يا حسين ما اصبرك على رحيل فلذاتك ! وما اربط جأشك سيدي . ايها المتقي الفاضل بوركت اياديك الكريمة اخي وعظم الله لك الاجر . تحايا عطرة .

عظم الله لكم الأجر اختي الفاضله

[المتقي]

اقتباس : المشاركة الأصلية كتبت بواسطة *أسرار [ مشاهدة المشاركة ]

عظم الله أجوركم القصيدة رائعة وهي كالتي أنشدها الحاج باسم الكربلائي ’’’ يالساكن بعيني ’’ يازهرة سنيني ’’ عرسك جمع نور ونار وتذكرك ليل نهار’’

عظم الله اجوركم

بارك الله بكم

[المتقي]

اقتباس : المشاركة الأصلية كتبت بواسطة منـار [ مشاهدة المشاركة ]

عظم الله لكم الاجر

عظم الله اجورنا واجوركم

بارك الله بكم

[المتقي]

اقتباس : المشاركة الأصلية كتبت بواسطة ألروح [ مشاهدة المشاركة ]

المُتقي العزيز عظم اللهُ أُجوركم وبوركت أياديكم الطاهرة إمتناني مُقيم

اختي الفاضلة ألروح

عظم الله لكم الأجر