|
اغلى من الروح
ياروح واغله امن الروح -- والله مو هينه اتروح
تنتظرك الأشفار -- يوليدي دورك صار * * * يهل ساكن شراييني -- نبض تتحكم ابدمي ابوك انه يضي عني -- يالأكبر ياجبل عزمي يظلٌي الما يفاركني -- عشت طول العمر يمي يغالي وكل سهم يرميك - احس يتهدف ابجسمي ترميك نبلات البين -- ياعين واغله من العين يا ساكن الأنظار -- يوليدي دورك صار --------------------------------------------- يالأكبر يا رمح صبري -- الذخرته لساعة الكلفه يبلسم جرحي من ينزف-- احطك عالجرح يشفه يشمعت عمري لوطفوك -- احس ضي البصر يطفه اسلمك للأجل بيدي -- ألف حيف وألف وسفه ناداك حداي الموت -- ويصيح بسمك هالموت ليك الممات اختار -- يوليدي دورك صار --------------------------------------------- اخذ كلبي لحفظ صدرك -- درع من تنضرب يحميك واخذ روحي الك خيمه -- ابهجير المعركه ادفيك واخذ من عيني دمعته -- اخافن تعطش اترويك وإذا يكرب عليك الموت -- اخذ عمري وبعد شنطيك هالروح تتصبر بيش -- تهواك يالتعرف ليش بيك انظر المختار -- يوليدي دورك صار ----------------------------------------------- علي يبني وشغف عمري -- ثبت وسط الكلب ودك علي يالوجهك الطاهر -- يذكرني ابوجه جدك عساكر تنتظر جيتك ---- اجت سبعين ألف ضدك وعيون مشبوحه اعليك -- فرسان هالمنتظريك سبعين ألف غدار ---- يوليدي دورك صار ------------------------------------------------- الأجل مامن مفر منٌه -- الأجل مكتوب يالأكبر لجن موته أبشرف وأبعز -- فخر لليبذل المنحر عزيز انته وعلي غالي --- لصبر فركاك ما اكدر لجن هالتضحيه واجب -- امر مكتوب ومقدر ميصير تبخل بدماك - - ويصير موعدنه هناك يم جدك الكرار --- يوليدي دورك صار |
لله در قلبك يا حسين ما اصبرك على رحيل فلذاتك ! وما اربط جأشك سيدي . ايها المتقي الفاضل بوركت اياديك الكريمة اخي وعظم الله لك الاجر . تحايا عطرة . |
عظم الله أجوركم القصيدة رائعة وهي كالتي أنشدها الحاج باسم الكربلائي ’’’ يالساكن بعيني ’’ يازهرة سنيني ’’ عرسك جمع نور ونار وتذكرك ليل نهار’’ |
عظم الله لكم الاجر
|
المُتقي العزيز عظم اللهُ أُجوركم وبوركت أياديكم الطاهرة إمتناني مُقيم |
احسنتم عزيزي وجزيتم خيرا على ماسطرنموه من روائع النظم
بحق سيد الشهداء وفقكم الباري ورعاكم |
اقتباس:
|
اقتباس:
عظم الله اجوركم بارك الله بكم |
رد
اقتباس:
عظم الله اجورنا واجوركم بارك الله بكم |
اقتباس:
عظم الله لكم الأجر |
| الشبكة: أحد مواقع المجموعة الشيعية للإعلام الساعة الآن: 07:30 PM. بحسب توقيت النجف الأشرف |
Powered by vBulletin 3.8.14 by DRC © 2000 - 2025