[ميثم الرماحي]

هله بالرد الشمس بيمينه

هله بالهد الحصون بهيبته
وتوكع البيبان اذا هز يمنته
وخله بالكعبه اثرمن لمسته
وتشهد الخندق اله وصفينه

هله بالماهجر وي المسلمين
وبات بفراش النبي وثبت الدين
وبالكسا نام ويجبريل الامين
وصارمن بعد النبي والينه

هله بالشاله النبي يوم الغدير
وكال من بعدي علي هو الامير
وزره الباري وصبح اعظم امير
ونزل من الله امر تعيينه

هله بالخله الفخر بي يعتلي
وبالشدد عدوانه تهتف ياعلي
الناصبي انكله اذا عنده ولي
مثل حيدر خل يجي يدلينه

هله بالمارد ابد جفه لفقير
يملك الكون ورظه بكرصة شعير
ياخليفه الماملك غير الحصير
وعاليتامه ماتغمض عينه

هله بالبيده السراط المستقيم
وللموالي ينطي جنات النعيم
واليضده باجريظوك الحميم
واحنه يوم المحشر اينجينه