[آمال يوسف]

مليت الحزن والحزن ملّاني
آنا ويـــاه واحد يكره الثانـــي

**********
مليت الحزن والكلب صاير نــــار .... وعيوني عمن والدمع يجري اعبار
حيّرت الــــوكت والوكـــت بيه احتار .. ونجوم الظهر هل الوكت راوانـــــي


***********
راواني الوكت اشكال يابــو اشكال .... ابد ما ينطي مهلة وماكو راحة بال
مرض اسمه الحـــزن صايرلي بالدلال ... ولــــــعب الوكت واشكال راوانـــي


*********

كلت اقصد علي يفزعلي ابو الشدات ... كــل واحد يقصده ما يرد هيهات
كضّـــــاي الحوائــــج للعدل والمــــــات ... حيـــــــدر ياعـــلي لا ما يــرد عاني
**********

عنّاي الحضرته ابجي بالحضرة ... واسولف واشكي حالي وهو بيه ادرى
نـــار البكلــب مــــولاي متوجرة ... وزمانـــي من الزغر بالهضم جوانــــــــي

***********

اريـــدك تجلي همي وحــالي يتغير .... الــــــمّ الفــــرح كــوة ويرد يطّشر
وحــك اولايتك مـــولاي متحيّر .... عطر روضت ضريحك شفى وداواني

***********

تداوي اجروح كلبي وما يظل نيشان ... ويرد ليه الفرح بس ما اظل حيران
تــــرد روحــي توّرد وردة بالبستان ..... يبو الـــحسنين اريـــد انخاك لحزاني

*************

اريـــــدن حاجتي وانتظر تكضيـــها ... يحلال المشاكـــل كفو وراعيها
شجــــــرة الروح ماي العذب تسكيها ... غيرك ياعلي لا ما اود ثانـــي

***********

بقلــــــــــــــم ....... السهــــــــــلانـــــــــــي



م\ن

الكفيل