ألوم الفرحة من قالت أريد أرحل
ألوم الوجه من يعبس وألوم البسمة من تذبل
أحلفج بالله يا فرحة لا تروحي وتخليني
قالت لي: يا "بنية" أحلفج بالله تركيني !!!
انعجنت طينتج بأحزان وماشوفج تحبيني
أول مره يا "بنيه "اشوف اليعشق الاحزان واِلِي آني يعاديني!!
صرت أبجي .. ..وأشرح الها .. ..وأتوسل
يا فرحة أريد أفرح وخلي العتب يتأجل
يا فرحة بالعباس ناشدتج لا تروحي وتخجليني
لأجل عيون أبوفاضل ابقي معي وكرميني
اليوم فرح أحبابي طلبتج لا ترديني
اخذي حزن عمري اليوم ولوحة فرح رسميني
بقيت أحجي ..بقيت أبجي ..والفرحة عن أحوالي ولا تسأل
بقيت بِحِيرة وأتفكر والفرحة بأحوالي ذا تتأمل
قالت لي يا "بنية" حرام علييج رحميني!!!
صرت لج شمعة ابدربج وصرتي نار تجويني
صرت لج بسمة بشفافج جرحتيني وجتلتيني
صرت كل يوم أفرحج وانتي بس تأذيني!!
مادري اشسر أحزانج تعشقيها وبالفرحة ماتتبدل؟!
مادري ليش دمعاتج البسمات ماتتحول؟!!
يا فرحة كافي عتاب ..بعتابج تعذبيني
يا فرحة أريد أفرح وبعتابج تبجيني
كلامج على عيني وعلى راسي غلطت أرجوج عذريني
أريد الدمعة هذا اليوم دمعة فرح تحييني
أريد القلب هذا اليوم ينبض فرح وبالفرحة يرّويني
وأريد أهدي دم قلبي إلى أحبابي ويشوفوا الفرح بعيوني
يا فرحة أريد اليوم "سما الفرحة "يسموني!!
أمطّر حب ع الأحباب وأنثر دمعة عيوني
أحلفج بالله يا فرحة لأجل أحبابي شاركيني
أريد اليوم يا فرحة كل الناس تهنيني
وبعد اللوم وَي العتاب وبعد الرجا والأقسام
اجت لي الفرحة تسكني في أحلى أيام
و"ألف مبروك يا حلوين" طلعت من ثغر بسّام
هدية لأحلى صديقة بمناسبة الخطوبة
تحياتي :عاشقة نصراللهsmilies/007.gif
ألوم الفرحة من قالت أريد أرحل ..!!!
العرض الشجري