[ميثم الرماحي]

واقع العراق
على لسان حال طفله
فارقت صديقتها الوحيده
نتيجة الارهاب والسياسات الخاطئه
تعودت هذه الطفلة ان تلعب مع صديقتها لعبة الفلكلور العراقي المعروفه (حجنجلي) وبعد ان سمعت باستشهادها ,,بدأت تتغنى وحدها بهذه الانشوده
ولكن بطريقه اخرى حيث تقول ....
حجنجلي
حجنجلي…. بجنجلي .
مو طاح تمثال الشمر … جا يمته يحكمنه علي.
وصعدنه فوك الجبلي.. وصحنه يعمي يحسين. وماشفنه ابد عمي حسين.
شفنه فتاوي مفخخة رادة تفجر الحسين.
ولكينه فوك الجبلي نهر الفرات يطش ورد
وتربطه وي دجله اسرار
بيناتهم قصة عشك...... جسمين جانو والكلب واحد واسمه ا لثرثار
وبحكم قانون الاقاليم الصدر .. شطروه طوائف هالنهر
واحتار بيمن يندمج .باقليم دجله ام الزعل ..لو بالفرات الباك ضحكات الهنه
من اشفاف هور الحمار
وشيل رجلك ياعمران... .ملغومة كل الكيعان.
...والبلبل اختار القفص ...من عكب أحلام الشجر ...والبستان
واتهجر من البستان ....وكتبوله عالعش إعلان.
... ممنوع تقره القرآن.... وممنوع تلبس ألوان...... وممنوع تعزف الحان...
وممنوع تغريد الصبح.
وبهالخطاب الطائفي تجرح شعور الغربان.
وشوف الأشد ياعمران... النخله من عكب الستر .سلبو سعفها بلا حيه.
ومن كثر نار المستحه ظلت تون بس عودان..............

...... ويا فاطمة بت النبي.........اخذي كتابج وارحلي.. .......لاتنزلي...لانبتلي...
أسطوره كل هذا الدمع.....
.... من عدنه اغسلي ايدج شلع... لومره نبجي عللضلع
جان القصد مو للفرج.. ردناه درج بي للمناصب نعتلي.
حجنجلي…. بجنجلي .
هم زين حاكمنه الشمر.... وهم زين ماعايش علــــي .


ميثمالرماحي
2007م