[واثق العيساوي]

((حلم سچين))

مسكين الجرح نامت بصدرة الآه
وبطور الدمـــــــــــــاء تفيض انغامة
يرسم بالنزف لــــوحة الم ودموع
واشوف الدم اثر بجــــــفوف رسامه
قنعته شكثر كلمـــــــــا اريدة ينام
يفز لو مر( حلم سچين) كـــــــــدامه!
تركني وي الفرح رفكة حمامه وذيب
جرف متبوس خدة شفاف البلامـه
وحدة من الثنين وعطش بيه الراي
لو اموت الجرح؟لو اذبح احلامـه!
واكول تهون باجر,حلم صح سكران
تجي صحوة صبح وتثبت اقدامـه
تجي صحوة صبح,بس مااريد السيف
يسجد بالغدر والمسجد ال هامه
ولااريد الكشف عورته كبال الناس
لمن صوت الشجاعه يهلهل حسـامه
عراق شكبر قلبك حيرتني بهاي
حجر طاحن دموعي او وجنتي جامـه
لكيت الضاك خيرك, عابد السجين
واجة الركبة اولادك اشهر اسلامه!
على ظهرك اريد الليل جبّة يصير
ويغزل من سوادة الراسـك عمامـة
واشوفاً اثرطلقة بجسمك التعبان
ويسالوني واكلهم مو جرح شامه!
بكصيبة ام لكيتك,كبل جانت ليل....
نيازك شيب بيهه وتلمع اسهامه
فوك اوراق شاعر..ميت من زمان....
نعم ميت ولكن عايشة اقلامـه!!
على شفايف طفل يركص بوجهه العيد
بحضن مرجوحة كعدت تلعب احلامه
على كذلة عروس وقاط ظل تذكار
من عريسهه الزفــــــــوه لاعدامه
بغيرة فارس العاشك ظهور الخيل
وعطر عرضة العفيف يفوح بلثامه
اشوف عيونه جدحت بالسمه من الغيض
وغيم اسود يغير ويرعد الجامه
على متونه تهب نيران من ينغاض
صلب صدر الصخور يذوب كدامه.

((واثــــق العيــــــساوي))

[والي مطر]

شكرا للقصيدة الرائعة ... تحياتي وودي

[محمد الشرع]

الله عليك يا واثق ...

قصيدة رائعة كروعتك ..

تسلم ايدك ..
تقبل تحياتي ...

[الروح]

الله الله الله
بحرٌ زاحر وسأغرق على بداية ضفته
قبل أن تطأ قدمي سواحله
لقد أبدعت بروعةٍ لامثيل لها
وآثق العيساوي
::
مُبدع فوق العادة
حقيقةً الشعر الشعبي صعب أن نجد فيه مُبدعين
وها أنت من المُبدعينَ بجدارة
لكَ بتلات الجوري
وتحيةُ اعتزاز

[واثق العيساوي]

اقتباس : المشاركة الأصلية كتبت بواسطة والي مطر [ مشاهدة المشاركة ]

شكرا للقصيدة الرائعة ... تحياتي وودي

شكرا لك حبيبي الرائع ولمرورك الكريم

[واثق العيساوي]

اقتباس : المشاركة الأصلية كتبت بواسطة محمد الشرع [ مشاهدة المشاركة ]

الله عليك يا واثق ... قصيدة رائعة كروعتك .. تسلم ايدك .. تقبل تحياتي ...

الغالي محمد..

انت الرائع بكلماتك الجميله
تحياتي لشخصك الكريم

[واثق العيساوي]

اقتباس : المشاركة الأصلية كتبت بواسطة ألروح [ مشاهدة المشاركة ]

الله الله الله بحرٌ زاحر وسأغرق على بداية ضفته قبل أن تطأ قدمي سواحله لقد أبدعت بروعةٍ لامثيل لها وآثق العيساوي :: مُبدع فوق العادة حقيقةً الشعر الشعبي صعب أن نجد فيه مُبدعين وها أنت من المُبدعينَ بجدارة لكَ بتلات الجوري وتحيةُ اعتزاز

الروح
شكرا لتلك الكلمات الجميله
شكرا لاطرائكم الرائع كروعتكم
لكم ياسمينه بيضاء!

[نسايم]

اللهم صل على محمد وآل محمد وعجل فرجهم وفرجنا بهم

كلمات رائعة وسلسة

بارك الله فيك وحماك من كل سوء أخي العزيز




لك ولقلمك ولأوراقك الأدبيه


تحية ود أخويه معطره

كن بالقرب دائما

موفق لكل خير

ودمت بولاء الأطهار ...

[مرتضى شكر]

الأخ واثق العيساوي

إن ريشتك تبقى تسطر الأبداع تلوالأبداع

أخوك مرتضى شكر
النجف الأشرف

[واثق العيساوي]

اقتباس : المشاركة الأصلية كتبت بواسطة مرتضى شكر [ مشاهدة المشاركة ]

الأخ واثق العيساوي إن ريشتك تبقى تسطر الأبداع تلوالأبداع أخوك مرتضى شكر النجف الأشرف

استاذي الرائع ومن غمرني بنصائحه منذ نعومه اقلامي الرائع الاخ الاكبر الاستاذ الشاعر((مرتضى شكر))لست الا نقطه في بحركم الزاخر تحياتي.