هذه قصة زواج بنت غريبة و مضحكة و الأهم واقعية ,,,,,,
هذي البنت سلمك الله عندها خوات أكبر منها وأصغر منها وهي توها متخرجه من الثانوي
المهم بالبيت ماعندهم خدامه كل يوم الدور على وحدة من البنات تطبخ وبعدين ترمي الزباله عند الباب
جاء دورهالبنت اللي أتكلم عنها كانت سهرانه مع اخواتها الين الساعة الثانيه صباحا وبعدها خواتها طلعوا ينامون فوق..
وهي قعدت تنظف المطبخ وتشطب عليه.. وقامت وطلعت الزباله عند الباب..المهم البنت قالت ليش أحطها عند الباب خليني أتشجع وأرميها بالزباله أحسن
وطلعت بره بالشارع وكان فاضي مرة وكانت الساعة حوالي ثلاث ونص
يوم جت تطلع ترمي الزباله قفل باب بيتهم وقعدت المسكينه بالشارع ... فكرت ترن الجرس خافت أبوها يهاوشها ويسوي لها شي ( لأن أبوها عصبي ((شديد)) )... وهي بالشارع ماعليها إلا البيجاما حقت النوم ..
سمعت أن فيه صوت يقرب منها .. صوت سيارة !! قامت مسكت الزباله وقلبتها ودخلت جواتها واللي كان اللي جاي ولد الجيران .. كان توه جاي من استراحة..
المهــم جا ولد الجيران وقف السيارة وطلع المفتاح علشان بيدخل للبيت إلا يسمع صوت يتحرك بالزباله !!
وأستغرب إن الزباله مقلوبة قام وقرب من عندها... وجا بيرفع الزباله ويا زينها
إلا صرخت وقالت : لالالالا.قال : بسم الله الرحمن الرحيم..أنتي إنس ولا جن
قالت: إنس قال إنتي وش جابك أهنا ؟؟
وقالت له القصة وهي متغطيه بالزباله وترجت ولد الجيران يساعدها قال خلاص لاتخافين قام قرب سيارته من باب البيت وركب فوق السيارة ونقز وفتح للبنت الباب..
وقالها: ادخلي بسرعة لاحد يشوفك قامت مسكينة ماصدقت رمت الزباله.. وطلعت كذا قدام ولد جيرانهم
دخلت وقفلت الباب على طووول...وولد الجيران واقف ماتحرك
يناظر فيها...
مامر على هالسالفة يومين إلا جا وخطبها من أبوها وتزوجوا
والله قصة زواج غريبة وعلى فكرة
ترى هذي السالفه حقيقية وحصلت بالفعل......................
اتمنى تعجبكم القصه كثر ماعجبتني
تحيااااااااااااتي/
العرض العادي
