|
|
عضو برونزي
|
|
رقم العضوية : 70779
|
|
الإنتساب : Feb 2012
|
|
المشاركات : 791
|
|
بمعدل : 0.17 يوميا
|
|
|
|
|
|
المنتدى :
المنتدى الثقافي
الى جبل الاحزان للشاعر سيد كريم السعبري
بتاريخ : 23-03-2012 الساعة : 06:44 PM
يامحمل مصايب صرتي للاحزان
وتظلين بشرف وانتي العقيله
وحملتي هموم والله يهدن الحيل
واتحده الجبل همج يشيله
مسبيه مشيتي لحاكم الشام
ايخسه كلمن يكول انتي ذليله
وكفتي بمجلسه والعزه وياج
وظل ايلوذ باطراف الرذيله
يبت حيدر علي حار الوصف بيج
ويبت الطاهره وسيد القبيله
ويبت الزهره انتي هم تروحين
حياتج عكب اخوتج مستحيله
وندك صدورنه ونتكبع بضيم
ودم دموعنه الواجب نسيله
وذكره الفاجعه نحيهه للموت
ونعيش وياج ليله واقسى ليله
ونتذكر الصار بطف المصاب
وهم الظعن من ضيع كفيله
اجيتي من المدينه بعزه تمشين
ورجعتي من الهظم ثكله ونحيله
يل كلج طهر واطهر النسوان
وعله طبعج تربن يل الاصيله
رسمتي العفه كلهه يخت الحسين
ولوما انتي مالبسن الشيله
وماننسه عله التل من تصيحين
لخوج حسين انتي وتندعيله
كوم اتلاحكنه بالخيم نار
كوم الحك الي واعدل الميله
ياطفل الاشوفه من الضمه يلوب
وتشب نيران يا خويه بدليله
اتمنه تحضرني لو اجه الموت
وعليه تراب كبري انته التهيله
راسك عل الرمح ظل يمشي وياي
والوذ من الهضم يمه دخيله
عفاج هواي شفتي يم الاحزان
صبرتي هواي وتكفلتي عيله
اليتامه والثكاله الهم تراعين
الحزن لوما يجيج انتي تجيله
وهاي المحنه والله تهدلج الحيل
عفاج صبرتي والمحنه ثجيله
=============
خادم اهل البيت
سيد كريم السعبري
| |
|
|
|
|
|
العرض المتطور
