|
الى جبل الاحزان للشاعر سيد كريم السعبري
يامحمل مصايب صرتي للاحزان وتظلين بشرف وانتي العقيله وحملتي هموم والله يهدن الحيل واتحده الجبل همج يشيله مسبيه مشيتي لحاكم الشام ايخسه كلمن يكول انتي ذليله وكفتي بمجلسه والعزه وياج وظل ايلوذ باطراف الرذيله يبت حيدر علي حار الوصف بيج ويبت الطاهره وسيد القبيله ويبت الزهره انتي هم تروحين حياتج عكب اخوتج مستحيله وندك صدورنه ونتكبع بضيم ودم دموعنه الواجب نسيله وذكره الفاجعه نحيهه للموت ونعيش وياج ليله واقسى ليله ونتذكر الصار بطف المصاب وهم الظعن من ضيع كفيله اجيتي من المدينه بعزه تمشين ورجعتي من الهظم ثكله ونحيله يل كلج طهر واطهر النسوان وعله طبعج تربن يل الاصيله رسمتي العفه كلهه يخت الحسين ولوما انتي مالبسن الشيله وماننسه عله التل من تصيحين لخوج حسين انتي وتندعيله كوم اتلاحكنه بالخيم نار كوم الحك الي واعدل الميله ياطفل الاشوفه من الضمه يلوب وتشب نيران يا خويه بدليله اتمنه تحضرني لو اجه الموت وعليه تراب كبري انته التهيله راسك عل الرمح ظل يمشي وياي والوذ من الهضم يمه دخيله عفاج هواي شفتي يم الاحزان صبرتي هواي وتكفلتي عيله اليتامه والثكاله الهم تراعين الحزن لوما يجيج انتي تجيله وهاي المحنه والله تهدلج الحيل عفاج صبرتي والمحنه ثجيله ============= خادم اهل البيت سيد كريم السعبري |
السلام عليكم سيد كريم موفق على هذه الكلمات واسأل الله قبولها منك يارب دمت للجميع رياض الرسل |
استاذي الكبير رياض الرسل اشكر لكم تواضعكم ومروركم على كتاباتي |
السيد كريم السعبري
قصيدةرائعة فيحق الحوراء احسنت ودمت متألقا |
حبيبي وابو تكتم كل الشكر لك وعلى مرورك الرائع تزيد لي حافز الثقه من مواصلت الكتابه تحياتي |
طيب الله انفاسك سيدنا على هذه الكلمات الرائعة |
استاذي الغالي مرورك على كتابتي احس وكائنك تقدم لي باقة من الورد فشكرا والف شكر يا استاذي |
| الشبكة: أحد مواقع المجموعة الشيعية للإعلام الساعة الآن: 09:15 AM. بحسب توقيت النجف الأشرف |
Powered by vBulletin 3.8.14 by DRC © 2000 - 2025