[بنتُ علي]

ماحد بيرد تدري ليش ؟؟

الشباب عندنا محيرين بين عقليتهم الحضارية وبان المرأة ممكن تسوق ليش لا ؟؟ وبين شي داخلهم يقول: المرأة شي غالي ماممكن نفرط فيه لايمكن نتخيل انها تسوق وتروح وتجي !

ورأي فلان هو اللي دايما يسمعني اياه اخويي هههههه يعني راي الشباب معروف

نجي لراي البنات واللي ارد فيه على اخويي :

في كل العالم في نسوان ورجال وفي كل العالم في ناس زينين وشينيين وفي كل العالم في مغازل ومشاكل وسفور وفسق ...الخ

المرأة في السعودية نفس المرأة في باقي العالم ... بالنسبة للقيادة يعني ماراح تزيد الحوادث بسببها ...

اما مشكلة المغازل وهالخرابيط ..صحيح كلامهم ...بس ترى كل العالم فيه مشاكل .....من هالنوع ...

اني اقول : خل يطلعوا قرار يسمح بقيادة المرأة للسيارة وبعدين الاهل هم ينتبهوا لبناتهم :

يعني : ماتسوق مسافة طويلة ...لوحدها ..يعني مثلا: من العوامية للقطيف مومشكلة بس للدمام والخبر مستحييييييييييييييل عندي ...لازم رجال ويانا ..

وبعد : ماتسوق انصاص الليالي ..حق معاريس مثلا زي معاريسنا العالمية اللي للفجر .....

تسوق الصباح تروح الدوام , تسوق العصر تروح السوق مثلا بس سوق قريب ههههههه

تروح بيت اهلها اللي يبعد نص ساعة مثلا بس ياحرام حامل ماتقدر تمشي او عندها كذا ولد وماتقدر تمشي وياهم هالمسافة لوحدها ...

تروح مشاوير ضرورية زي مستشفى ...وياما ناس يحتاجوا هالشي ...

يعني هو شي نحتاجه وبنفس الوقت ..يمكن يسبب مشاكل

فلان ماعتقد كل الشباب زي بعض ..وبعدين المشكلة هذي اخلاقية مالها شغل بقانون قيادة ...مسموح بكل العالم ماعدا السعودية !!!

اني احس نفسي اميرة لما ابويي واخويي وو .......يوصلوني ...بس في مشاوير تكون قريبة والوحدة تستحي كل يوم وديني مشوار ...

ع الاقل ..يخلونا نسوق في القطيف بس ..لاني مااأمن على نفسي الافيها ...باقي العالم كله عندي يخوف ههههه

وبعد ماتطلع وحدة لوحدها يطلعوا اكثر من وحدة مع بعض ...ومثل مالحين الزين زين والاهل يحافظوا ع بناتهم بيقدروا يحافظوا عليهم اذا ساقوا

تدروا : تذكرونا بسالفة : قبل ماكانوا الاهل يسمحوا لبنات يسافروا للدراسة ...بس البنات يثبتوا انهم خوات رجال لمايحافظوا على نفسهم في غربة وبعيد عن عيون اهلهم ... مااتوقع السواقة اعظم من الغربة ...

التربية والاخلاق ... مقدمة لكل شئ .......

واذا سقت ...اكيد بيكون اجمل اني ابقى في كرسي مرتاحة اميرة ..وغيري يسوق ...بس اذا احتجت بسوق ....وهذا من حقنا ويلا نبغاه بسرررررررررعة عصبت يعني هههههههه

بس خلاص خلصت مداخلتي ..........

يوم تذكرت شي : المرور ..كل شوي بيتحججوا بالنسوان !!! هههه

اسمعوا اسمعوا : مرة رايحين الخبر اني واخويي ...فقوقفه الضابط سأله مين معاك قال اختي ...

جا الضابط ...فتحت الباب ..ويش اسمش ؟؟؟ قلت اسمي الكامل ..طابقه مع اسم اخويي

طلب رقم البيت ..اشوى مانسيته ذيك الحزة ههههههه وقلته وراح وتركنا نمشي !!!!

اذا سقنا ويش بيسووا حضرتهم ؟؟؟ لان خيرهم سابق ماشاء الله ...

مرة كنا رايحين الرياض ...فوقفوا السواق : وين رايح ؟؟؟ قال : الرياض

مين معاك ؟؟
طالبات

وطبعا حضرته جناب شرطي ركب ومشى لاخر الباص !!!!!!!! ليش يعني ؟؟..

مادري ليش ؟؟هو مومن حقه يركب ... بس !

اني وحدة حساسة : كنت لمايقولوا لي الحين تعبان اومشغول ازعل ومارجع اقوليهم ابغى اروح مكان بس صرت الحين اتقبل

بس غيري من البنات يقولوا اخوانهم يستغلوهم ويطلبوا فلوس علشان توصيل !!!!!!!بصراحة لايمكن اتقبل هالشي ولواقعد بالبيت ....

وسلامتكم واعذرينا ع الاطالة المعتادة ...وموضوعي طلع يطلع مواضيع ههه

وتحياتي للوطن العزيز ...