[ميثم الرماحي]

ومضه
مو كل مبتدأ لازم اســـــم مرفوع ............. ولا كل الندرســــــــــــه نفتهم شرحه
ابن ملجم الفاعل وانعرب مظموم .............وعلي راسه انفتح بس رفع
...............

قرآن الطفوف
حيرت الوصف بدر الهواشم بيك .............واياتك ابد مانوعـــه فحــــــــواها
اذا قرآن راســـــك نازل عللكاع ............ جفينك اذا أيـــــات معنــــــــــاها
على جروف النهر رتلّها اخوك حسين… . .ولسان الشمر ماكدر يقراهـــــــا
الطف اتصدعت من خشيتك عباس..…… .لئن قرآن راسك وكع فوكاهــــــــا
محتاره الجيوش بيا ثنيــــــه تلوذ ……. يادرب التجـــــــي رايتك تلكاها
انت عللنهر والخيم بيهه اطــفال …..… بس من هيبتك محـــــــد تدناهـا
لئن اسمك كتبته عللخيم عبــاس...,…… والعدوان اجت واسمــــــك تلكاهـا
وجهك ياكمر نسخة من ابو الحسنين ......... ومحــــد ميّزاكـــــم غير بس طه
ومره مرايه رايد حيــــدر الكرار... ,… يعدل اعمامته مو قصده يتبــــــاهـا
لن أم البنين اتجيبله العبــــــاس ... … … عالعبـــــــاس صد وكام لفاهــــــا

ميثم الرماحي