[بنتُ علي]

السلام عليكم

خوفتيني حجية خادمة السيد الفالي ...

لايحترق قلبج ولايهمج ... هذا مايعرف شنويعني عراق

اني خمنت مين ممكن يقول هالكلام ومن اي دولة وبعد ماراح اقول تخميناتي بس هو يامن ----او من ----- ...

االعراقيين مظلومين ...واللي مايحترم الثاني علشان هو من هالدولة او هالدولة واحد فارغ العقل ....

انتين لانج بغربة بتصيري حساسة واجد والله يكون بعونج

سمعيني زين :

كل واحد من اي بلد كان في كل مكان وبكل زمان يقدر يفرض احترامه بأخلاقه وثباته

مايقدروا يقللوا من شان احد ابدا....

العراقي شبيه ؟

العراقي مستضعف في الارض ... وكفى

انتو ضحية رؤوساء مجرمين سابقا واحتلال ومؤامرات حاليا

اني الدكاترة المصريين اللي كانوا عندنا بالجامعة كانوا يكسروا خاطريعلشان متغربين وبعد مايحترموهم لانهم من جنسية ثانية وفي نظر البعض جنسية بمستوى اقل من مستوى الجنسية الخليجية !!!

بس اني نظرتي كانت غير ..احترم هالناس المكافحين ...

دكتوركم عراقي ماينخاف عليه .. العراقيين صلبين مايهزهم شي

وانتي لاتزعلي نفسج ,,,... وسلمي على ابوالهول :confused:

ترى كل الارض لله والناس عبيده ...والعنصرية هذي حماقة جاهلية ...

وشويعني عراق او او او .....ووشو يعني عراقي او او او ............كلنا عبيد الله والفرق مين يثبت وجوده وجدارته رغم كل الظروف

ولهذا اني احترم العراقي لانه يتحدى الظروف وقوي مولانه عراقي بالجنسية ...

اول ماعرفتوني كنتوا تسالوني انتي من اي بلد ؟

قلت لكم :من كل مكان ....

من كل مكان يعني انسان مايعرف غير يحب كل الناس ..........

هذاك الشخص مايعرف الحب والانسانية .........

يلا سلام ..ولاتزعلي ...العراق على راسنا الله يفرج عنه بحق الحسين والعباس ..ونزوركم ان شاء لله بشعبان