[بنتُ علي]

اقتباس : المشاركة الأصلية كتبت بواسطة نور اهل البيت [ مشاهدة المشاركة ]

1_اول سؤال شو بتعنيلك ياعشوقه هاي الكلمات الصداقة ..دائما اؤمن بالاخوة اكثر من الصداقة ..لان الصداقة شروطها صعبة لكن الاخوة لاتحتاج الا لمحبة في الله "محبه اشبه بالمحبة الفطرية التي يودعها الله في قلوبنا " الاخوة ...اعظم شي واحلى شي وياليت كل العالم يصيروا اخوة واحب مقولة للامام علي عليه السلام دايما اكتبها واقولها"المرء صنفان اما اخ لك في الدين او نظير لك في الخلق " والاخوة عندي شئ عظيم الحب كلمة من حرفين لكنها من اصعب المصطلحات واكثرها تعقيدا ..الحب هو الشي اللي احلم فيه من زمان ...اتمنى يجي يوم يسود الحب كل العالم ..يصير لغة الناس كلها ..الحب جميل وبالحب نعيش ومن غيره نموت الحياة..الحياة انك تكون حي من داخلك ...الحياة هي انك تعيش بسعادة مع كل الناس حتى لو اختلفت وياهم ..الحياة ان الناس تحبك وتحبهم ..الحياة انك تكون مرضي عنك من ربك ..الحياة يانور انك تساعد الناس وتسعدهم ..اني احس اني موجودة لما اقدر ارسم بسمة على وجه الناس اللي احبهم .. 2-من الي ماتحبين تشوفين دمعتهم ..دمعة امي صعبة عليي واجد ماحب اشوفها واظل حزينة طول مالدمعة في عيونها ولما تبتسم احس قلبي يضحك ... دمعة ابوي تاثر فيي واجد لاني بشكل عام اتاثر بدمعة الرجل اكثر دمعة اخوي الكبير احسها تبكيني دمعة اخوي الصغير لايمكن اسمح انها تنزل ولو نزلت بسببي اروح اطلب منه يضربني واخليه غصب يضحك دموع خواتي الصغار ..دموع دلع ..بس دمعة اختي الدلوعة الوسطانية بين البنات ..هذي تقطع قلبي ..لاسباب معينة دموع اهلي واحبابي كلها ماحب اشوفها حتى انتو في المنتدى كلكم اذا شفت احد زعلان حزين ماحب اشوف دموعه ع صفحات المنتدى لانكم بصراحة خواني وخواتي دموع كل الناس اللي اشوفهم في الاخبار ...مانساهم ...خصوصا لما يطلع رجل يبكي ..ابكي وياه ..دموع الاطفال .. يعني هذول كلهم في قلبي والله ...كلما شفتهم في التلفزيون اصيح وياهم ويجيني صداع ..حتى صرت ماحب اسمع ولااشوف ..اخبار ..بس ارجع ماقدر اتركها 3-اذا انتقدك احدهم هل تزعلين؟ للاسف ..اني وحده اتحسس من النقد ..بس مو اي نقد ..على حسب الناقد وعلى حسب الشي اللي انتقدوني عليه بس بصراحه اتضايق ويمكن يجيني صداع بعدين اشكرهم من الاعماق لانهم افادوني ...طبعا الشكر بيني وبين نفسي ويمكن اشكرهم ...قلت لش على حسب ..وحتى على حسب قوة العلاقة اللي تربطني في الناقد ..وعلى حسب شخصيته ولي عودا

اهلا وسهلا اختي نواره .....نورتي

انتظر العودة ...بس انتبهي يمكن امريكا ماتسمح لش بحق العودة بعدين نبتلش كيف نرجعش للوطن....smilies/50.gif


smilies/110.gif smilies/013.gif