|
اشوفك بالقوافي .. ابيات للحبيب مع بيت زهيري
يا ابا عبد الله يا وطن الغرباء ... يا شفيع المذنبين اليك هذه الابيات من خادم خُدامك زكي الياسري النجفي صحيح ابعيد عنك يا ابو السجاد لكنّي احِسّـــَن ساكن ابّيتك اشوفك بالقوافي و بالشعر يحسين و احس ابكل حرف نفحات قدسيتك ويشتاق الضريحك كَلبي يا مولاي وادور اعليك بيه .. و داخله الكَيتك جذب من كَال اذكرك يا حبيب الروح لأن طول العمر ... يحسين منسيتك ولـكَيتك وطن .. والبلغرُب مسجون يسلوة غربـتي الذابت بحريتك مسجون دهري يضن يحسين انا جم سَنه ما يدري نورك ترس كل عمري نور و سَنه ميهمني دهري لوَّن سيف المـتاعب سَنَّه يحسين انته الوطـــــن للما لكَاله وَطن رجليك حزن البُعُد يحسين و الله وِطن بحماك يا سيدي اْصوات النوايب وِطن و هيهات حُبي إلك ياخذله نوم و سِنه زكي الياسري النجفي 4/12/2010 |
سيدي الفاضل .. على عُجالة تسجيل إعجاب ولي عودة قريبة إن شاء الله ترتيلةُ إمتنان |
الحبيب زكي الياسري ..طبتم وطاب قلمكم المعطاء دمتم بطيب الولاية ...محبتي |
بسم الله الرحمن الرحيم اجاد اجاد مولانا سيد زكي شاعرنا المبدع الذي نسج من عبير القوافي اعطرها لاهل البيت الاطهار احسنت وشفع لك قرة عين البتول وحبيب الرسول صلى الله عليه وآله نزار الفرج ابو محسد |
شكرا لموضوعك الرائع والجميل اثابك الله الجنه بحق محمد وال محمد (ص) واهدي اليك هذا الابوذيه
ــــــــــــــــــــــــــــ ـــــــــــــــــــــــــ كلبك شكثر يحسين شال.............هم ورضيعك شرب دمه ماي ...............هم وزينب بالصبر شاركتكم ................هم وبالشجاعه معروفه بت الزجيه ـــــــــــــــــــــــــــ ــــــــــــــــــــــــــــــ اخوك الصغير عبدالله الشاعر |
السلام عليكم سيد زكي الغالي موفق بحق محمد وآل محمد رائعه هي كلماتك رياض الرسل |
حيا الله الشموس النورت ابيات شعري البلحسين اتغنت ابياته ثوابه ابلا منن اهديكم و ياريت لليقــــــراه الله اليقضي حاجاته حياكم الله يا اعزائي الكرام الروح والي مطر ابو محسد ثورة الحسين و الغالي رياض الرسل تحيه من صميم القلب |
سيدي ما أروع هذه الأنفاس بل ما أقدسها ..!! أيُسعفني الكَلِم لأقول بملئ فمي أبدعت واللهِ أبدعت ..؛ حرتُ في الأبيات التي تصفُ سُكنى الحبيبِ في قلب المحبوب. .؛ كانت ألذ من السُكر وأطيب من الشهد.. بل كانت كأعذبِ الماء.. دمتَ بتوفيقاتهِ مُحاطاً .. وأجدكَ على البُعدِ فزتَ بالورود.. إمتناني وأزجيك من التقدير موفوره |
حيا الله اختي الفاضله على هذا الاطراء العذب استحسانكم زادها رونقاً و بريقا تحيه لهذا القلم الكريم اسال الباري ان يتقبلها منا بقبوله الحسن |
| الشبكة: أحد مواقع المجموعة الشيعية للإعلام الساعة الآن: 06:43 AM. بحسب توقيت النجف الأشرف |
Powered by vBulletin 3.8.14 by DRC © 2000 - 2025