[زكي الياسري]

لبو محمـــد فلا يخمد سـَــــــــعيري


و الأرض طوس توجّه كل ضميري


بلا ناصــر يعينه .... كَضه صابر ولينه


لبو محمد فلا يخمد سعيري


++1++


يا مــــدى الايام .. بينك وبيني


مَعتبِ و آهات .. إحجي واسيني


منّك ابكل حين .. جمره تجويني


علرضا المسموم .. تسمع ونيني ؟


يا دهر موجوع .. كَلبي داويني


بلوعة الآلآم .. ليش تاذيني ؟


يادهر ليش تِعادي ابن الزجـــــــــــيه ؟


و تفجع شلون علي حامي الحمـــــــيه ؟


و تِضَل تِفجع نبينه ... كَضه صابر ولينه


لبو محمد فلا يخمد سعيري


++2++


يا دهر كافي ... لوعتك لوعه


شاهد الهادي ... شاهد ادموعه


شاهد الحسره ... بوجهه مطبوعه


كل عذاباتك ... بداره مجموعه


تدري بسهامك .. بنتـــه مفجوعه ؟


لفاطمه الزهره .. عَبْره مسموعه


تدري بيهه تِعنــَّت يم شبـــــــــــلهه ؟؟


شاهِدت بـِالــغُرب مَسموم ابـنـــــــهه !!


بكَت تنحب حزينه ... كَضه صابر ولينه


لبو محمد فلا يخمد سعيري


++3++


الليله للزهراء ... عادت الذكره


ذكره بيهه اهموم .. فاجعه كبره


هلــَت الدمعه ... فاطمه الزهره


علرضا الغالي ... ثامن العتره


تجددت الآم ... لوعة العَصره


ولوعة البسمار ... والصدر كسره


نفس الدموع جرت عين الشريفه !


بحين حكَهه انغصب يوم السقيفه !


بعيد امن المدينه ... كَضه صابر ولينه


لبو محمد فلا يخمد سعيري


++4++


يا ابو الحسنين .. ساقي الكوثر


يا علي وينك ... للرضا تحضر


تعيش ويانه ... لوعة المنضر


تشاهده بعينك ... جبده اتفــطر


سمم المأمون .. شبلك الاطهر


غيَّب انواره .. الكلشمس تزهر


ياعلي غاب بدر طوس بسمــــاهه


يا علي و الشمس فكّدت ضيــــاهه


شــِله الضالم علينه ؟ ... كَضه صابر ولينه


لبو محمد فلا يخمد سعيري


++5++


يا موالي شوف ... جنته ابمشهد


والمَــلك بيهه .. ينزل ويصعد


جذب افضاله .. تنحصي وتنعد


كبره بالايمان .. هلصبح معبد


يا شبل ياسين .. قبتــــــك فرقد


وضالمك وينه ؟ .. ما اله مرقد ؟


الله خلاك يبو محــــــــــمد وسيله


ومن تعناك الـم كَلبه تــِــــــــزيله


يربان السفيــــــنه ... كَضه صابر ولينه


لبو محمد فلا يخمد سعيري


++6++


يمته يا مظلوم ... نصــير زوارك


يالرضا ونطوف . سبعه بنوارك


يا علي هيهات ... نفهم اسرارك


يا شمس لشموس . عِدنه خطارك


حنّت الشيعه ... حنت الدارك


بكل كَلب بينه ... تستعر نارك


جينه هليوم نعزيــــــــــــهه ابدمعنه


عترة المصطفه بجـــــــــرح الفجعنه


والِدْموع إتحَـــــدينه ... كَضه صابر ولينه


لبو محمد فلا يخمد سعيري

تمت في 7 صفر 1431


زكي الياسري النجفي

[الباحث عادل الايهم]

اللهم صل على محمد وال محمد
زكي محمد علي الياسري
السيد الطيب
تعجبنى طريقتك بكتابة الشعر لانها سلسة ومتواضعة
ربي يحفظك اينما كنت
واسال الله ان يديم هذا القلم المعطاء

الايهم
خادمكم

[bahaa ali]

جميلة جدا اخي زكي الياسري بارك الله فيك هذا كله في ميزان حسناتك

[لبيك داعي الله]

بوركتم

واصلوا ابداعكم

موفق

[سعد مطلوب]

أخي واستاذي العزيز
سيدنا الجليل زكي الياسري
عاشت ايدك سيدنا قصيده في غاية الروعه والابداع وموجديد عليكم
هذا الابداع رائعه تضاف الى سجلكم الابداعي تمنياتي لكم بالموفقيه .

[غزل السلامي]

السلام عليك يا غريب طوس عليه السلام
كل الشكر والتقدير لك يا استاذي الشاعر زكي الياسري
وجزاك الله خير الجزاء وجعله في ميزان حسناتك