على العباس
على العباس إصرخ وجري الدمعه
على العباس واسي فاطمه البضعه
إلــه فــوك النهر جفيــن منكطعــــه
وصيح إبصوت واه عباس أبو الغيره
*******
على العباس صيح إبصوت واه مولاي
تمنيـت بســـهم عينـك طفــت عينـــاي
وعامود الرضخ هامك رضـخ هـامـاي
وتمنيت الكلب صايرلك إحصيره
*********
يشيعه نواسي بالعباس أخـوه حسيـن
من طاح السبع ظهره إنجسم نصين
وجيوش العده دارت عليه صوبيــن
ألف ياحيف دهره حد مناشيره
****
مناشيره الدهر حدها على العباس
كطع جفين من إيده وسكاه الكاس
سكه كاس المنيه والعمــد بالراس
نظر عباس جوده وبالكلب حيره
*********
وكع عباس وجفوفه على التربان
واسي إم البنين الخاوت الأحـزان
عدها بهل الضحايه أربعه شــبان
واسيها يشيعي والدمع ديره
**************
إجري دموع ونده وين ابو فاضل
يرد ليـك الصــده يــم النهـر نازل
وجوده والجفـوف ورايتـه الكافــل
رايه من بدر معروفة السيره
*******************
رايه ما هوت فد يوم عـل الغبـره
حاميها الوصي الكرار كل عمره
مرحب يشـهد ويشـهد بعد عمـرو
إبن ود بفضيلة حامي الجيره
ــــــــــــــــــــــــــــــــــــــــــــــــــ ــــــــــــــــــــــــــ
قاسم طاهر القاسمي
على العباس إصرخ وجري الدمعه
العرض الشجري