[جابر النجفي]

بسم الله الرحمن الرحيم
اللهم صل على محمد وآل محمد وعجل فرجهم

ياساكـــــــن الــــــروح ( مولديـّه )
ــــــــــــــــــــــــــــــــــــــــــــــــــ ـــــــــــــــــــــــــــــــــ
يــَمـْداوي الجروح === ياساكــــن الروح
مهدينه ياخير إو أمـل === لازم تداويـه الزلل
ياساكــــن الروح
ــــــــــــــــــــــــــــــــــــــــــــــــــ ـــــــــــــــــــــــــ
أجمل تهاني الفاطمه نهديهـــــا == وإنهنـــّي حيدر والنبي هاديها
حامي الشريعه إنولد حاديهـــــا == نعمه إو إلهي مَنْ علينه بيها
شـَعـّت بالأنـــوار === لهل الهـُدى دار
والخير للدنيه نــزل === لازم تداويه الزلل
ياساكــــن الروح
ـــــ
الله الولاده الطاهره يـَسـّـــرها == سامره فرحانه الأغر نـَوّرها
والدنيه أحمد بالفرج بـَشـّرهـــا == لازم يجي إبن الحسن وإيــْسرها
واليوم هـَلـّيت === يبن الحسن جيت
أهلا يبن خير العمل === لازم تداويـــــه الزلل
ياساكــــن الروح
ــــــ
أمّك يبن حيدر علي فرحانــــــه == والكون من شافك خـِفـَت أحزانه
إنتَ التعيد المذهبك أركانـــــــــه == وإيغور كـُل باطل غوي شيطانه
وأنوارك إتفيض === للناصبي إتغيض
وإتغيض أرباب الدجل === لازم تداويه الزلـــل
ياساكــــن الروح
ــــــ
يلبيك شيمة حيدره وإعلومــــه == والهيبه من طه النبي موسومه
وإحسين إنطاك الصبر من يومه == داوي الجــــروح النازفه الملچــومه
ياريـــت ويـّاك === وإنشوف يمناك
ترفع مخازيه الجهل === لازم تداويــه الزلل
ياساكــــن الروح
ـــــ
يوم التهل راياتك المنصــــــــوره == عيد إو فرح تصبح جميله الصوره
نمشي الصرح أمـّك نصلـّي إنزوره == وإنشـــــــوف إنوارك على المعموره
وإنعيش بالخير === أبدا فلا إنحير
وإتصير أيامك عسل === لازم تداويه الزلل
ياساكــــن الروح
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــ
مع تحيات شاعر اهل البيت / جابر النجفي
إسمعوا القصيده على هذا الرابط
http://www.wlidk.net/dld32d97346.mp3.html