[رياض الرسل]

السلام عليكم

استاتذي الشعراء الكرام والافاضل


في منتدانا الغالي والرائع
منتديات انا شيعي العالميه


اليكم نتائج مسابقة ( شاعر الحسين ) للشعر الشعبي

اليكم اسماء المشتركين بالمسابقه

**************

الشاعر الحسيني -- الماسي

الشاعر الحسيني – ابو تكتم الخير

الشاعر الحسيني – مرتضى شكر

الشاعر الحسيني – ابو ذر السماوي

الشاعر الحسيني ابو ياسر الكعبي

***********

وبعد فرز القصائد

فاز الشاعر الحسيني المخلص

بالمرتبى الاولى

ابو ياسر الكعبي

واليكم قصيدتة بعنوان

*****************

كليم الله

راسك گطع راسك * ماخمدت أنـفـاسك
يالـمنظرك دامي = حي إنت گدّامي
ماخمدت أنفاسك
***
كلما أريد أنظرك ..بالماي اتصوّرك .. والـماي يـعكس صِـوَر
يرسم گطع منحرك ..دمه إعله دم خنصرك ..شلاّل يجري بنهر
إسما أشرب اتذكّرك ..إيفت الگلب منظرك ..جسمك تگطّع وذر
أنظر قُـطُب مـحوَرك ..راسك صُبَح منبرك ..وعْليه أطيل النظر
أشبحله بنظاري = وأسترخي بأفكاري
ومن تكتب أقلامي =حي إنت گدّامي
ماخمدت أنفاسك
***
لـمصـيـبتك أسـتِــمع ..صدر الحزن يـتّـسع ..وگلب الدمع يـنفجر
ومن يجري روج الدمع .. كل دمعه ترسم ضلع .. وكل ضلع حاضِن بدر
وكل بدر نـحره نبع ..حاضن جسد منصرع ..وكل جسد للدم جسر
وكل جسر بيه منوضع .. وجه النبي ومنطبع .. مرتفع خيـمة صبر
من يشكي للباري =دمع الجفن جاري
من جرحك السامي =حي إنت گدّامي
ماخمدت أنفاسك
***
أذكر عطش چبدتك .. وجمر الغضه ابـمهـجـتك .. كلما أشوف العذِب
أتذكّر امصيبتك .. واحضن جسد دمعتك .. يرتـجف برج الگلب
أذكر حـجر جبـهتـك .. ودم الخضب شيبتك ..واتصوّر إعله التُـرُب
الخيل من داستك .. طحنت صدر جثّتك..ومرجان دمّك يصب
محرابك بروحي =يستنطق اجروحي
ومن أسأل آلامي =حي إنت گدّامي
ماخمدت أنفاسك
***
موسى الكليم أصبحت .. وِلــْمِـدْيَن إمْن اوصلت .. مَـشْربت من الـمـاء
من النجيع إشربت ..ابطور الطفوف إصْعَقِت .. طفك صُبَح سيناء
إعليك العَوالم بـچت .. ليك الـمنيّه لِـفَت .. تـمشي عله إسْـتحياء
أوصالك إتـگطّعت .. وي وجه ربك غِدَت .. تـتـكلّم الأشـلاء
ربّك تِـجلاّلك = كلّمته بأوصالك
يالمنذبح ظامي ..حي إنت گدّامي
ماخمدت أنفاسك
***
يحسين وبنينوى .. مو جسمك الّي هِوه ..جسم الأرض منصرع
إنت إعله وادي طِوى ..امن الباري شعلك ضوه .. فوگ الشُهُب مِرتِفع
گلبك الربّك هِوى ..الدين ابدماك إرتوه .. من نـحرك الـمنگـطع
عالعرش من إستِوَى .. سلّـمك ربّك لِوا .. متخضّب امن النَجِع
وهاذه اللِوا مضخور = للغايب المنصور
بكل دورة أيامي =حي إنت گدّامي
ماخمدت أنفاسك
***
يحسين ناده الـمَلَك ..مَـحّد گطع راس إلك .. انت اگطعِت راسك
الباري يـتـأمّـلك .. عِـبـر الزمن راسِـلك .. وتـفايض إحساسك
دم النحر فاض إلك ..ضحّيت إله بكل هَلَك .. ونطيته عبّاسك
سَـيـَّرت رَكب الفلك .. كلـمن يضدك هَلَك .. بالدم ثـبت ساسك
راسك رُفَـع رُمـحه= فـجرك طلع صُبحه
يامُنقذ إسلامي =حي إنت گدّامي
ماخمدت أنفاسك
"

شاعر أهل البيت
أبو ياسر الكعبي



الف الف الف مبارك الى شاعرنا الغالي
واسأل الله قبولها منه يارب




خادمكم
مشرف القسم
رياض الرسل

[احمد آل مسيلم]

من مجامع القلب كلها اقدم للشاعر القدير ابو ياسر الكعبي التهنئة بهذا الفوز
متمنيا أن يديمه الله عزّ وجلّ نبعاً للابداع
وبعد أن جمع ابو ياسر بين ريادة الشعر الفصيح والشعبي
فان المسؤولية على عاتقه أصبحت أكبر
وهو أهل لها انشاء الله

[ابوتكتم الخير]

شاعر الحسين
أبو ياسر الكعبي
مبارك عليك هذا القب
وتحية مباركة لكل المشاركين
وكذالك تحية مباركة خالصة للمشرفين على المسابقة
والمنتدى
وكل عام والعراق والجميع بخير

[ابو يعرب الجنابي]

اللهم ادر بنعمك
على خادم اهل البيت عليهم السلام
شاعر الحسين الكعبي
ي طهر وعائك
هنيءا لك الجنة في حب الحسين ان شاء الله
مخلصكم لم تلده امك

[دموع.]

بسم الله الرحمن الرحيم
من قلبي اهنئك ايها المبدع ابوياسر
مبروك عليك و موفق انشاء الله
شكرا لك اخي رياض وللمجهود
و تحياتي لكل المشتركين

[الشاعر حسن خليفه]

الشاعر الحسيني -- الماسي

الشاعر الحسيني – ابو تكتم الخير

الشاعر الحسيني – مرتضى شكر

الشاعر الحسيني – ابو ذر السماوي

الشاعر الحسيني ابو ياسر الكعبي

سته شعراء من اجمل الشعراء الحسينين

كلهم فازو بحب محمد وال محمد صلى الله عليهم وسلم

فمبروك للشاعر ابو ياسر الكعبي

واخوانه الشعراء

وان شاء الله قبول كتاباتهم باحسن القبول

عند الله سبحانه وتعالى

شكرا لكل من سهم وشارك وبذل جهدا في هذه المسابقه الايمانيه الرائعه

قبلاتي

اخوكم الشاعر

حسن خليفه

[ابو محمد]

الكل فائزون بحب الحسين ان شاء الله

القدير ابو ياسر الكعبي
الف مبروك لك اللقب
شاعر الحسين "ع "
تستاهل

شكرا لكل من شارك وساهم
وفقكم الله جميعا

[ابو محمد]

الكل فائزون بحب الحسين ان شاء الله

القدير ابو ياسر الكعبي
الف مبروك لك اللقب
شاعر الحسين "ع "
تستاهل

شكرا لكل من شارك وساهم
وفقكم الله جميعا

[أم كميل الكلابيه]

اللهم صل على محمد وآل محمد وعجل فرجهم الشريف
بوركتم ياشعراء آل البيت ع
تقبل الله منكم صالح الأعمال
تحياتي الأخويه

[ابو ياسر الكعبي]

السلام على الحسين وعلى علي ابن الحسين
وعلى اولاد الحسن وعلى اصحاب الحسين
الذين بذلوا مهجهم دون الحسين عليه السلام
؛
السلام على اهل الشعر والشعراء
ليس المهم مَن يكون الفائز
بل المهم اننا نتنافس شرفاً بحب الحسين
وكل من شارك بهذه المسابقة هو الفائز دون ادنى شك
نعم لقد فزنا جميعا بحب الحسين
؛
رياض الرسل
أبقاك الله وايّدك اينما كنت او تكون
تحياتي وشوقي وودّي