[جابر النجفي]

بسم الله الرحمن الرحيم
اللهم صل على محمد وآل محمد وعجل فرجهم

علـــــي إبـــــــن الزﭼيـــــــه ( في مولد الامام علي بن موسى الرضا عليه السلام )
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــ
طبيبــي – طبيبــي === أبو إمحمد طبيبي
طبيــب الجعفريّــــه === علي إبن الزﭼيّه
أبو إمحمد طبيبي
ــــــــــــــــــــــــــــــــــــــــــ
نهنّي فاطمه إبمولد ولينه
بزغ نوره إبن أحمد نبينه
أنوار الرضا هلّتْ علينه
فرحنه إو للرضا نرفع إدينه
حليبــي – حليبــي === رضعته وَيْ حليبي
ﻋﺷﮓ راعي الحميّه === علي إبن الزﭼيّه
أبو إمحمد طبيبي
ــــــ
أهنّي المُصطفى إبمولد إمامي
لبن موسى الرضا أبعث سلامي
أبد ما ينتهي حُبّي إو هيامي
لهل بيت النبي شعري إو كلامي
حبيبــي – حبيبــي === إبن موسى حبيبي
أحبّه مو بديـــــّه === علي إبن الزﭼيّه
أبو إمحمد طبيبي
ــــ
أهنّي المُرتضى إو كُل الأحبهم
وهل بيت النبي إبمولد بدرهم
وأنادي يالرضا إحسبني منهم
مُحبّينَك يبو إمحمد تحبهم
نصيبـــي – نصيبـــي === حلو إو طيب نصيبي
أشوفـــــه بالمنيّـــــه === علي إبن الزﭼيّه
أبو إمحمد طبيبي
ـــــــــــ
أهنّي الكاظم إو جعفر أهنّيه
وأهنّيه الجواد إبنور واليه
يظل ﮔلبي يحبّه إو نوره يضويه
يريت أﮔصد أزوره إو أنسعد بيه
مغيبي – مغيبي === يظل حتّى مغيبي
معيني والهويّــــه === علي إبن الزﭼيّه
أبو إمحمد طبيبي
ـــــــــــــــ
أهنّي المُنتظر بالمولد اليوم
ونادي إحضر حفلنه إو زيل إلهموم
حضورك سيدي بيه الفرح دوم
نِنْساه الحزن وإتزول إلغيوم
لهيبي – لهيبي === تطفّي كُل لهيبي
أنـــواره العليــــّه === علي إبن الزﭼيّه
أبو إمحمد طبيبي
ـــــــــــــــــ
تهاني الكُل محب رايد هديته
أبو إمحمد علي يحضر منيته
يريت إبكُل وكت أﮔصد ثنيته
وحل خطّار يمّه إبذاك بيته
نحيبي – نحيبي === يهدّيلــــي نحيبي
يحن ﮔلبه عليــــّه === علي إبن الزﭼيّه
أبو إمحمد طبيبي
ــــــــــــــــــــــــــــــــــــــــــــــــــ ـــــــــــــــ
مع تحيات شاعر اهل البيت / جابر النجفي
إسمعوا القصيده على هذا الرابط
http://www.wlidk.net/dldhvo00164.mp3.html

[مآسي]

شاعر اهل البيت المكرم
جزاك الله خير الجزاء
تقبل تحياتي