[مهيمن الاسدي]

فيما يلي اعترافات الخلفاء بأفضلية الامام علي عليه السلام .. فلو قُدًّر لهم ان يقولوا الحق لقالوا :
-----------------
نعم حيدر احقّ المنطق يگول .. ولوما سيف حيدر ضاع الاسلام
رميناه بحجر من ما فهمناه .. ونسينه بيوتنه مبنيّه من جام
**
لازم نعترف گدّامنه حساب .. وماندري الكتاب شضام ماضام
الفرق مابينّه ومابين ابوحسين .. مثل فرق الحقايق عن الاوهام
**
خلّيناه اخير وعدنه اسباب.. نضيع وننتهي لو صار گدّام
احنه اصفار.. ماننعد بالحساب .. علي صار بظهرنه وصرنه ارقام
**
علي ماكفر طرفة عين بالله .. بوكت بي چنّه اسره بأيد الاصنام
ثق لوما علي ما تسمع آذان .. ولا تسمع بمؤمن صدَّق وصام
اشجعنه علي بكلّ الميادين .. سَلْ عنّه الحجاز البصره والشام
العلينه ذياب چانوا وكت الحروب .. بس يم سيف حيدر صاروا اغنام
**
رغم گصره استقل جنح السماوات .. وچنّه گبال سيفه نبّين اقزام
علي لوما ضربته بيوم الاحزاب .. چا ظلّت ايتام تخلّف ايتام
**
علي افصحنه چان وحتّه الحروف .. بصدرها لسان حيدر شالته وسام
ومن شاف الاقلام تجامل السيف .. علي خلّه السيوف تبوس الاقلام
علي بيت البلاغة البيه الف باب .. علم كل باب يتطلَّب الف عام
واحنه ابّاب بيته انراوح سنين .. وتعبنه وماگدرنه نصير خدّام
نستنسخ معاني وننصح الناس .. بس حيدر خطبته بكل وكت خام
**
حسدناه نعترف لمّن لگيناه .. مابيه اي نقص من جدمه للهام
فضائل عد علي مو وحده وثنين .. بكثر ماعد خصومه ذنوب وآثام
**
سرقنه القاب حيدر من عرفناه .. علم شاخص تدنّگ يمّه الاعلام
علي الصدّيق الاكبر علي الفاروق.. ذو النورين نوره بكل وكت تام
علي العادل.. وسيف الله المسلول .. تره بس علحيدر جايّه ولام
أهو التاريخ طلَّع للبعض روس .. ثق يم علي جانت روس نعّام
**
اقضانه علي ولوماعلي نضيع .. لان بس علي يعرف سر الاحكام
غرّتنه المناصب والملذّات .. وقبلنه عله الوسادة الناعمة انّام
بحلم شفنه الكراسي واحنه عميان .. وعلي مارادهن يعرفهن احلام
**
بشفا حفرة طمعنه تعثَّر الدين .. ولبسنه گبال وجه المصطفى لثام
وعله جسم الرسول الما دفنّاه .. رمينه من السقيفه رماح وسهام
وتحدّينه الكتاب وماتبعناه .. وبچه الدين بحزن واحتار وانظام
وبقه اسلام بس من غير مضمون .. وعلي خلّه بحكمته الالف واللام .

[الشاعر حسن خليفه]

اللم صلي على محمد وال محمد

الله عليك يامهيمن الاسدي

قصيده وخطبه رائعه من كل الجوانب

ابدعت ايها المسلم الشيعي النقي

وبارك الله بك وبقلمك الموالي لمحمد وال محمد

وجعلها لك في ميزان حسناتك

ونور في قبرك يوم الوحشه بعد عمر طويل ان شاء الله

ولاتحرمنا من كتاباتك الحسينيه الرائعه

كنت هنا

تقبل مروري

خادمكم الشاعر

حسن خليفه

[ابو ظاهر البركي !]

اللهم صل على محمد وال محمد

اسمحلي ان اقرأها الف مره حتى ارتوي منها

الله يامهيمن
الله يامهيمن


رزقنا الله واياكم شفاعة امير المؤمنين عليه السلام


اخي الجليل وشاعرنا الموالي
تقبل مروري سيدي على رائعتك




خادمكم
ابو ظاهر البركي

[قاسم حتروش]

اللهم صلي على محمد وأل محمد
أحسنت يا مبدع على هذا الأبداع والوصف
نصرك مولاي أمير المؤمنين كمانصرته في هذه الأبيات الروعة
جعلها الله في ميزان حسناتك يا مهيمن يا أسدي
تقبل مروري وتحياتي

[مهيمن الاسدي]

اقتباس : المشاركة الأصلية كتبت بواسطة الشاعر حسن خليفه [ مشاهدة المشاركة ]

اللم صلي على محمد وال محمد الله عليك يامهيمن الاسدي قصيده وخطبه رائعه من كل الجوانب ابدعت ايها المسلم الشيعي النقي وبارك الله بك وبقلمك الموالي لمحمد وال محمد وجعلها لك في ميزان حسناتك ونور في قبرك يوم الوحشه بعد عمر طويل ان شاء الله ولاتحرمنا من كتاباتك الحسينيه الرائعه كنت هنا تقبل مروري خادمكم الشاعر حسن خليفه

السلام عليكم . الاخ حسن خليفة لي الشرف في ماتفضلت به من اطراء ولك مني كل الاحترام والتقدير

[مهيمن الاسدي]

اقتباس : المشاركة الأصلية كتبت بواسطة ابو ظاهر البركي ! [ مشاهدة المشاركة ]

اللهم صل على محمد وال محمد اسمحلي ان اقرأها الف مره حتى ارتوي منها الله يامهيمن الله يامهيمن رزقنا الله واياكم شفاعة امير المؤمنين عليه السلام اخي الجليل وشاعرنا الموالي تقبل مروري سيدي على رائعتك خادمكم ابو ظاهر البركي

السلام عليكم . شكرا لك اخي الغالي واشكر لك حسن ظنك وامتداحك للنص

[مهيمن الاسدي]

اقتباس : المشاركة الأصلية كتبت بواسطة قاسم حتروش [ مشاهدة المشاركة ]

اللهم صلي على محمد وأل محمد أحسنت يا مبدع على هذا الأبداع والوصف نصرك مولاي أمير المؤمنين كمانصرته في هذه الأبيات الروعة جعلها الله في ميزان حسناتك يا مهيمن يا أسدي تقبل مروري وتحياتي

السلام عليكم . الاخ قاسم شرفني حضورك واطراءك وبارك الله بك