[رجل الضل]

أكو يمك قريب تشوف هبالعين

بس تحسه سيف يگط عالروح
واكو مو يمك بعيد وصعبه ينشاف
لچن من يمر اسمه اطيب الجروح؟؟
واكو يحچي شكثر وتشوفه مخبوص
وكل حچي اليگوله مالهتأيد
واكو ساكت ابد ميسولف هواي
وبنضرت عيونه اينول الي يريد؟؟
مرات الكلام السانه غدار
ومرات الكلام يخون اللسان
ومرات الي يحسن ينحسب سوء
ومرات اليسيء نحسبه احسان؟؟
فرق بين الليالي النزلت دموع
وبين الي تمر وترصع الخدود
مثل واحد عدل ما يدخل العين
وميت من زمان بنصهه موجود؟؟
مو سهله العيون تخون الدموع
ولا سهله الدموع تخون العيون
وصعب كلش اچفوف تخون السلاح
والأصعب اچفوف سلاحهه يخون
جرم واحد تشربه بچفك الماي
وفجأه يصير چفك بين السنون
وشجاب اليعبرك يسحگ عليك
على واحد يشيلك فوگ المتون؟؟
العجب مو باليتركك ساعةالضيق
العجب بالضيق أنته وماتركته
تعت بالروح عت وجرحك اچبير
ومن شفته وگع ما عفته شلته
سهل عندك تحطه ابنص العيون
لچن الصعبه يعمي اعيونك انته
الذنب مو بيك عمي توافي ويا
الذنب طاهر حليب اليرضعته
ولا ذنبه يخونك مايوافيك
الذنب شحت الغيرة بوسط گصته

[الروح]

اقتباس :

جرم واحد تشربه بچفك الماي وفجأه يصير چفك بين السنون وشجاب اليعبرك يسحگ عليك على واحد يشيلك فوگ المتون؟؟

الله الله وما ذنب الوفاء إن تلبس الغدر في كيان الأنسان..!
رجل الضل وما أروع هذا الأنتقاء
لقد لامس شفيف قلبي فحن على الوفاء المهدور
وما أصدق الأمير عليه السلام حين قال:
الوفاء لأهل الغدر غدر عند الله..،
بوركت الأيادي
تحياتي وامتناني

[درة النجف]

بسم رب الزهراء


رجل الضل
الاخ الفاضل المحترم
كلماتك رائعة
كلماتك اعجبتني بشدة
صراحة لا اعرف كيف اوصف لك اعجابي بكلماتك الجميلة
اتمنى لك كل الموفقية شاعرنا الكريم

بارك الباري بك

تقبل مروري
تحياتي