عفية شعب
عفية شعب بيه العجايب مو عجب
جمعة ندم
جمعة غضب
أنواع عدنه من الجمع
كل وحده عنوان وخطب
جمعة صمت
جمعة شغب
جمعة حواسم بالبلد
جمعة سلب
عفية شعب
مرة لطم … مرة لعب
مرة يصفك للصنم
مرة يشجع المنتخب
عفية شعب
نايم على أبيار النفط
وليهسه يطبخ بالحطب
عفية شعب
مثل الجمل عاگول ياكل للأسف
وشايل على ظهره ذهب
عفية شعب
حتى بوكت بيده الأمر
تيّه احسابه وما حسب
وحتى البعض من أمّنه
ونطاه صوته وصعَّده
بس يوصل الكرسي گلب
نهرين عنده وما زرع
والغربة بيه زرعت رعب
عبوات . ..والغام … وحزم
ما قصروا أهلي العرب
دم ومآتم حمّلت
وصار الحصاد من الركَب
يابو لهب …
دزِّنه من عدكم حطب
وارتاح لتشيل الحمل
حماله عدنه اعله الطلب
بس يا شعب …
معذور من صابك تعب
ثلاثين مرَّن بالألم …
بالجوع مرة … وبالحرب
جيش القدس … جيش الفرس
جيش السما … جيش الأرض
وجيوش أنواع ورتب
بس يا شعب لا تستلب
فك عينك وشوف الدرب
ميّز العدو … من المحب
ميّز الصدك … من الجذب
ركِّز عدل … من تنتخب
الشغلة لازم تنحسب
هذا عدل … لو مو عدل ؟
أصل وفصل … لو بس شكل ؟
من الكتل … من النخب ؟
بس للوطن … لو للحزب ؟
ميهمك شلابس بعد . ..
قاط أجنبي … صاية وعكَل
عمامة وبشت
المهم شايلَّه عقل
والمهم ميبيع البخت
والمهم … والكَلش أهم
صادق يحافظ على الشعب
هذا عدل … لو مو عدل ؟
أصل وفصل … لو بس شكل ؟
من الكتل … من النخب ؟
بس للوطن … لو للحزب ؟
ميهمك شلابس بعد . ..
قاط أجنبي … صاية وعكَل
عمامة وبشت
المهم شايلَّه عقل
والمهم ميبيع البخت
والمهم … والكَلش أهم
صادق يحافظ على الشعب
***************
قصيدة رائعة قائلها تجرد من عاطفة
وياهم وياهم ؛؛ عليهم عليهم.........
سلمت يداك على
مانقلت لنا هنا
يا أحمد
الموسوي
عفية شعب..قصيدة لم يُعرف قائلها ...
العرض العادي
