بسم الله الرحمن الرحيم
اللهم صل على محمد وآل محمد وعجل فرجهم
الصــــــــادق وعـــــــــــــاء العلــــــــــــم
ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــ
لَمْتَه نشوفك ياثار == تبني قبور الأطهار
أرض البقيع إلها إنروح == ويّاك ياروح الروح
تبني قبور الأطهار
ـــــــ
لَمْتَه نشوفك يلولي == والسيف يحضن يمناك
ما ظل صبر يبن الحسن == هاي الجموع التِتْناك
تصرخ تنادي ياشهم == كُلنه نعيش الملكاك
إظهر يبن حيدر علي == أحبابك إو نِتْرَجّاك
لَمْتَه الفرج ياموعود == يامنبع العز والجود
ويّاك نمشي الأخطار == تبني قبور الأطهار
ــــــــ
هاليوم يلمهدي إبألم == نُنصب مآتم مولاي
راعي العلم راح إو مضه == والنار تسعر بحشاي
كُل المدارس مظلمه == غاب الأمل راعي الراي
جعفر إبن حيدر علي == مسموم ينطق بالآي
سمّوه أهل الآثام == يلمهدي صرنه إبآلام
نِنْخاك يبن الأبرار == تبني قبور الأطهار
ــــــــــ
نور الأله إو مرتسم == وإبجعفر الصادق صار
أطيب وعاء إو بالعلم == مملي إمام الأبرار
أسّس مدارس واضحه == والعالم إبعلمه إحتار
واليوم يلمهدي مضه == يحمل معاه الأسرار
حلّت علينه الأحزان == غاب الأمل والعنوان
نهواك يانور إو نار == تبني قبور الأطهار
ـــــــ
ويّاك نمشي يلولي == لأرض البقيع الغرقد
وإنزور أهلك ياأبي == بينه الألم يِتْجَدّد
نبني صرحهم بالمجد == يفرح نبينه أحمد
وإنسر قلب إبن النبي == والساجد إبن الفرقد
والباقر البيه إجروح == والصادق العلمه إيفوح
وإتسر ولينه الكرار == تبني قبور الأطهار
ــــــــ
نرفع تعازينه إلَك == يلمهدي جعفركم راح
طُلاّبه ظلّوا بالحزن == هذا الألم ما ينزاح
من المصايب والجره == صار الحزن إلنَه إوشاح
من طبرة الوالي علي == يوم الذّي فاز إو صاح
من عصرة الزهره النار == من كربله يامغوار
إنهض يبن حامي الجار == وإبني قبور الأطهار
ــــــــــــــــــــــــــــــــــــــــــــــــــ ـــــــــــــــــــــــــــــــــــــــــ
مع تحيات شاعر اهل البيت / جابر النجفي
إسمعوا القصيده بصوت الرادود علي الهلالي على هذا الرابط
http://www.wlidk.net/dldhex46834.mp3.html
الصادق وعاء العلم
العرض العادي
