من البدايه اقولكم الموضوع منقول عندي لكم ملاحظات انا بنفسي لاحظتها في اطفال اقاربي وجيراني وصديقاتي
واذا بعدتيها من اطفالك صدقيني بيصيرون محبوووبين من الجميع وبعض النساء عاااااااااااااااااادي عندهم هذي الامور وهي اكبر خطا
ياريت تنتبه لها.
ترى الكلام احيانا يصير للمفرد واحيانا للجميع فاعذروني لانه كلامي من عندي
- علميهم أهم كلمة في التربيه عيب __ او __ خطأ __ غلط.
لاتقولون مايفهمون وربي من عمر سنه يقدرون يتعلمونها زيها زي كلمه أح << لمن يعرفها.
بعض الاطفال ابو 4 يخرب حاجه ونقوله عيب كاننا نقول واصل بارك الله فيك
2- علميهم احترام الكبار
بعض الاطفال عادي يرمون الحرمه باي حاجه اويضايقها في المجلس ويتلصقون بها بشكل افتزازي
يكبون عليها الشاي او القهوه او العصير او ياكلون من صحنها بشكل تخريبي ومضايق ومحرج
تجدينه يجلس بقربها ويالله اكليني والام تتطالع ومبسوطه
اذا اختها او اخت زوجها مااقول شئ بحدود
اما الجاره او الصديقه او احد الضيوف وربي صعبه لازم تحترمها سواء في بيتها او هيه ضيفه عند احد
3-علميهم النظام ع سفره الطعام << ياكلون بس بادب وذوق
مو يمدون يدهم الى نصف الصحن ياكلون منه ولا يصيحون ع السفره
اعرف وحده عندها بنتين 8 سنين و4 سنين
عموما حطت العشاء كبسه وسلطات وحلى
ولما جلسنا ع السفره كانت حاطه صحنين صغيره وراحت حطت لكل وحده رز ودجاج
ويشيلون السلطه بملعقة >> مو عيال ربعنا اول مايجلسون ع السفره يشيلون السلطه يشربون مويتها.!!.
ما شاء الله قمه الذوق والادب ولا خلص صحن الوحده زادت لها
ع طوول اعطيت الطريقه هذي لوحده من صديقاتي ولدها مبهذلها مايحب احد ياكله بو3 سنوات
وحطت له صحن لوحده وقالت لاتخرج الرز برى الصحن ولو تشوفونه الحين ع السفره بسم الله عليه.
4- علميهم احترام الشخص اللي يصلي
صراحه انا اذا جيت اصلي اروح غرفه بعيد في بيت اللي اروح لها
واشوف الطفل كيف يقطع صلاة الوحدة او يسحب السجاده او يجي قدامها يصلي !!
صراحه جاحة مو كويسه اكيد انتي يسوون هذي الحركات فيك وانتي عادي
بس الاخرين مو عادي هنا علميهم اذا احد يصلي لايسوون هذي الحركات قولي عيب حرام
وانتي اتبعي الاسلوب الحازم في هذا الامر لانها عباده
والله اعرف طفل بسم الله عليه 4 سنوات قولوا ماشاء الله
دخل علي وانا اصلي وكنت بمجلس الرجال يعني بعيد شوي
لم يقطع صلاتي بل صف جنبي وجلس يقلدني حتى انتهي
ويوم ثاني دخل علي وانا بغرفه ثانيه وانا ببيتهم
جلس يناظرني حتى انتهيت
لانه يعرف الصلاة لااحد يتكلم فيها
-علميهم احترام النائم
بتقلون مابقي الا هي
بالعكس شئ حلو انه اذا عرف ان واحد نايم مايزعجه
سواء ضيف عندك او زوجك براسه اوجيرانك يمكن احد تعبان او جاي من الدوام او وقت نوم وانتوا طقكم السهر << لاهل الشقق والادوار
اعجبني طفل كنت في مجلس امه وعادي امون عليها
اخذت غفوه وهم طلعوا من عندي يبون ياكلون
ورجعوا لقوني نايمه والشرشف خفيف اشوفهم
فدخلوا يبون يوروني شئ
قالت البنت الصغيره هييي عمه داده << بلغه الاطفال >> نايمه بلغتنا
سحبها اخوها وقال عمه داده في نفس الوقت
وطلعوا وقفلوا الباب ها ايش راااااااااااااايكم وربي اعجبوني ماشاء الله تبارك الله
وقلت لامهم عن موقف عيالها
قالت لاني اذا ابوهم نايم اقولهم بابا داده ويصيرون هادييين
او اقول اص جده داده وزي كذا
حتى هيه لاصارت تبي تنام مايزعجونها
تشوفين الطفل مرتب لبسه ونظيف واتكيييييييييييييييييييييييت وفي الاخير يقوول كل .. وكل.. والله شئ محرج انتي هدديهم علميهم ان هذا الكلام غلط
كثيييييييير يربون عيالهم ع الكلام الحلووو
ويجي الولد طالع الشارع او مع عيال الجيران او المدرسه
ويرجع بالفاااظ احيانا قذرة ماتنقال
فانتي في اول مره تجاهليها كانك ماسمعتيها ع شان ماتنحفظ
اما اذا كررها فقولي مين قالك هذا الاكلام باسلوب عادي
ع شان يعلمك المصدر
بعدين قولي هذا الكلام عيب حبيبي طيب لاعاد نقوله وحسسيه انه كلام خطير
اما اذا كررها زياده فعلمي ابوووه او هدديه به << خبري البزارين يخافون من ابوهم اكثر مدري ليش بالرغم انه مايسون لهم شئ
بس الاب له هيبته .
7- علميهم المحافظه ع الاشياء<<< اكره الامبلااااااة
اطفال تشفون العابهم جديده بس صارت مكسره
ياسياره بدون كفرات او عروسه بدون يد وعيون
او اي شئ
والام تقول تونا شارينها العصر !!!!
ولا وحده تحلف لي انهم يكسرون الالعاب اللي اشتروهم مع ابوهم ماقد دخل ابوهم البيت
يايرمونها بالجدار او مع الدرج
وربي حرام هالحركات.
8- علموووهم ان حق الناس مايكون لهم
يعني اللي للغير مو لنا
مثلا طفل يروح عند الناس يشوف لعبه الا يبكي ويقول جيبوها
اذا صغير مره ماكو مشكله بس اذا يفهم
لا والله قولي لي عيييييييييب مو حقتنا حقت الناس
واحيانا يبكي ع شان الريموت يبي ياكل ازراره او المفتاح او شنطه الضيفه يبيها
في هذي الحلات خليه يبكي لين يقول بس
عقبها بيعرف انه غلط لانك مااستجبتي له
مرة تحكي لي وحده تقول:
دخلت انا وضيفه عندي غرفه نومي اجيب لها حاجه
لحقتنا بنتها وشافت ع التسريحه سله صغيره محتظنها الدبدوووب
هذي للجوال كنت اموووووووووووووت والاقيها واتمناها من زمان
وجاتني هديه من زوجي وجابها مفاجأة
فسحبتها البنت وقالت حقتي باخذها .. قلت لامها هذي هديه من زوجي بابتسامه.
فقمت و عطيت الطفلة حلوى وقلت خذي .. خذتها ومازالت متمسكه بها
بتقولون سله ومدري ويش بس ماتعرفون غلا هذي الهديه عندي
المهم بتقولون شنو موقف الام
قالت خذيها خلاص ..هذا اول مسحبتها وقالت حقتي .. ها ايش تبون اقول
ايش اجلس اطالب طفله قلت خلاص خذيها وطلعتهم من الغرفه قلت لاتزيد تحط عينها ع شئ وتاخذه.
تصدقون انقهرت واستحيت اقول لزوجي لان الموضوع ع تفاهته حز في نفسي
وبعد فترة تقول الام ان بنتها رمتها من وقتها .. بالله مو شئ يقهر
حاولي ماتصير هذا المواقف مع الناس لانك مابتحسين بموقفهم الا اذا صرتي مكانهم
اخيرا9- علميهم الهدوء في بيوت الناس
والله اعرف عيال وحده
ماشاء الله في بيتهم
والتحف والمزهريات في كل مكان
والكنب مخداته عليه
ولاشفتهم يلمسونها
بس اذا جو عندي والله يمسك التحفه ويكسرها يعني يشيلها بيده ويكسر ها
اقول ليش يقول اسف ماكنت اقصد
اصلا مين قالك تشيلها
والمخاد حقت الكنب يتشاوتون بها .. كوره هي !!
حتى الفواحه ماادري كيف سوو بها حتى اصبحت تهرب مويتها ويصير التماس
وياخذون بعض التحف اللي ع اشكال ع بالهم لهم .
ومكتبه التلفزيون يتفحون دروجها وكسروا قزازها
والله انهم في بيتهم حتى لو باجيهم فجاة تقولون عاملين حسابهم
ولو قلت لامهم عن الكبيره صراحه تضربهم وتهددهم << اي معليه ولا كان كرروها
بس ليش عندي كذا
لاتقولن مكبوتين ببيتهم اكثر من يطلع ويلعب هم
بس مااحب هذي الحركات
صرت اكره انهم يجوني اعوذ بالله
هذي المواقف لو عليمتي ولدك او بنتك الاحترام والأدب فيه
نعم هذه الامور لا تخلى منها بعض المجتمعااات وهذا يعتمد اعتماد كامل على الام نفسها وثقافتها في تربيةاطفالها
فنرى لهذا السلوك صنفان من الامهات
بعضهن يعتذرن عن تصرفاات ابنائهن باذب وينصرفن من دون ان نحس بهم
وبعضهن يشتمنك ويعيرنك لانك تضيايقتي او ابديتي امتاعضك من تصرفات اطفالهن وكانك انت المذنبة
والله شئ محرج انتي هدديهم علميهم ان هذا الكلام غلط
.
ويقول جيبوها
العرض العادي
