[جابر النجفي]

بسم الله الرحمن الرحيم
اللهم صل على محمد وآل محمد وعجل فرجهم

يازهــــــــراء حيــــــــدر نـــــــادى
ــــــــــــــــــــــــــــــــــــــــــــــــــ ــــــــــ
يازهراء حيدر نادى === حيدر نادى يازهراء
من بعدﭺ دم تجري العين === شلون إتروحين إو تمشين
يازهراء حيدر نادى
ــــــــــــــــــــــــــــــــــــــــــــــــــ ـــــــــــــــــــــــــــــــــــــــ
يابضعــــة محمــد مظلمــــــه داري == من بعدﭺ ألم روحي غده ساري
يصبّر روحي أدعي الخالق البــــاري == نهر دمعي على إمصاﺑﭻ يظل جاري
روحي إهموم حلت بيها === بيها إهموم حلت روحي
ﮔلبي إينادي يم إحسيــــن === شلون إتروحين إو تمشين
يازهراء حيدر نادى
ــــــــ
سيفي يالوديعه إيعاتب إو زعلان == ينادينــــي يحيدر واﻠﮔلب ولهان
يحيدر ما شفت من نزلت الأحزان == يوم اﻠﮔوم عصروها إبحقد شيطان
نادى السيف صبري زال === صبري زال نادى السيف
يوم الحَل إﻋﻠﯾـــﭻ البيــــن === شلون إتروحين إو تمشين
يازهراء حيدر نادى
ـــــــ
شلون العين تنسه صورﺗﭻ للــــــدوم == بعد ﻋﯾﻧﭻ ملت ﮔﻠبي ﭽــثيره إهموم
سهران إو جفاني ياوديعه النـــــــوم == أنظر زينب إعليها الرزايه إتحوم
واويلاه تندب زينب === تندب زينب واويلاه
وأنظر لدموع الحسنيين === شلون إتروحين إو تمشين
يازهراء حيدر نادى
ــــــ
والبيت اﻠﻓﮔــــد نورﭺ يــــون وإينـــوح == يواسيني إبدمع جاري إو جُرح مفتوح
ما أﮔدر أشوفه إبهل حزن مجـــــــــروح == تظل ﺗﺑﭽـــي عليه إو ما تهيد الروح
يامجروح جُرحك جُرحي === جُرحك جُرحي يامجروح
وأﺑﭽﯾــﭻ الحد موتي إيحين === شلون إتروحين إو تمشين
يازهراء حيدر نادى
ـــــــ
يزهرة روحي وأيّامي إو حلم عمري == يريـت اﻠﮔــوم عصروا فاطمه صدري
يريت المنكسر ضلعي إو دِمَه يجري == يريــت إوياﭺ أروح إو ينطفي جمري
ياربّاه إسمع نوحي === إسمع نوحي ياربّاه
ضجّت أملاك الكونيين === شلون إتروحين إو تمشين
يازهراء حيدر نادى
ـــــ
ياأم الحسن وإحسين عذريني == وصّاني أبوﭺ الهادي تدريني
أصبر ما أشيل السيف ياعينـــــي == أحافظ عالرساله إو هذا من ديني
هذا الصار صوّب ﮔلبي === صوّب ﮔلبي هذا الصار
يانور الفارﮒ عينييــن === شلون إتروحين إو تمشين
يازهراء حيدر نادى
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــ
مع تحيات شاعر اهل البيت / جابر النجفي
إسمعوا القصيده على هذا الرابط
http://www.wlidk.net/dldhqq06110.mp3.html

[ابو ياسر الكعبي]

جابر النجفي
وفقكم الله وايدكم وسددكم ورزقكم شفاعة السيدة الزهراء عليها السلام

[جابر النجفي]

اقتباس : المشاركة الأصلية كتبت بواسطة ابو ياسر الكعبي [ مشاهدة المشاركة ]

جابر النجفي وفقكم الله وايدكم وسددكم ورزقكم شفاعة السيدة الزهراء عليها السلام

ـــــــــــــــــــــــــــــــــــــــــــــــ

بسم الله الرحمن الرحيم
اللهم صل على محمد وآل محمد وعجل فرجهم
الاخ الطيب ابو ياسر الكعبي
اشكرك وفقك الله وان شاء الله شفيعتك الزهراء عليها السلام

[المنشد حيدر القاسمي]

الله لايحرمنه من ابداعكم

[جابر النجفي]

اقتباس : المشاركة الأصلية كتبت بواسطة المنشد حيدر القاسمي [ مشاهدة المشاركة ]

الله لايحرمنه من ابداعكم

ــــــــــــــــــــــــــــــــــــــــــــــــــ ـــــــ

بسم الله الرحمن الرحيم
اللهم صل على محمد وآل محمد وعجل فرجهم
المنشد حيدر القاسمي
اشكرك وفقك الله ورعاك